‘Di nabigyan ng budget...
Mawawala na ba ang Cinemalaya? Ano kaya ang mangyayari sa entries this year? Popondohan pa ba kaya ito ng CCP? Paano kung hindi na? Kaya ba itong itaguyod ng Cinemalaya Foundation as a private institution?
HIndi ba talaga priority ng CCP ang Cinemalaya? Abangan natin ang balita.
Incognito, number 1 kaagad
Number 1 show ngayon on Netflix ang Incognito. Ganu’n din kaya ang taas ng ratings nito sa ABS-CBN free TV airing nito? Kumusta kaya ang comparative Netflix viewership ng pagtatapos ng Widows’ War at Lavender Fields?
Eh sa free TV kaya, hanggang sa huli, sino kaya ang wagi? Namamayagpag pa rin ang Saving Grace sa streaming at pinupuri ang acting nina Julia Montes, Sharon Cuneta at ang batang si Zia Grace.
Ganyan din kaya ang interes ng tao kapag ipinalabas ito sa free TV?
Sanggang dikit ng mag-asawang Dennis at Jennylyn, kasali ang kanilang kumpanya
Bukas na ang storycon ng Sanggang Dikit, ang bagong primetime show nina Dennis Trillo at Jennylyn Mercado.
Tama bang co-produced ito ng GMA at ng produksyon ng mag-asawa? Sinu-sino ang makakasama rito nina Dennis at Jennylyn? Totoo bang dito lalabas ang sinasabing Ultimate Star?
Sino naman kaya itong Ultimate Star na ito?
Pauso naman kasi ‘yung Ultimate Star title. Baka si Jennylyn na rin naman ‘yun!
Singer na sakdal linis ang imahe, may kabit na sekretarya!
Isang singer ngayon ang nagtatrabaho sa isang private foundation ang pinag-uusapan sa opisina dahil merong napapabalitang kalaguyong sekretarya samantalang ang misis ay isang simpleng guro.
Paano kaya kung malaman ni misis ito? O baka alam na pero hindi na lang itong ipinapahalata.
Pero hindi talaga pagdududahan si mang-aawit dahil sakdal linis ang imahe ng singer na ito sa publiko. Kailan kaya mapapansin ni misis na naglilimayon sa ibang paraiso si Mister?
Nakakataquote:
“Ang pinaka-validation ng prayers ko, ng pangarap ko for my family ay ‘yung sinabi sa akin ng Mama ko na, ‘Oo anak, nanalo ka.’ ‘Yun lang. Ang sarap. ‘Yung simple lang.”
– Sofronio Vasquez in ToniTalks