Drew, ginawang negosyo ang dating camping haven nila ni Iya!
Tila nauuso sa mga celebrity ang “vacation house for rent” business. Ginawa na ito ni Yassi Pressman na ginawang Airbnb ang house nila sa Antipolo. Heto ngayon si Drew Arellano, ilu-launch sa March ang kanilang vacation house rental.
Tinawag na Bahay ni Drew ang property na nasa Tanay at nabanggit nito na dati nilang ginawang camping site ni Iya Villania ang nasabing property.
“May 2021. Before joining forces with the incredible team to build @bahaynidrewtanay, we transformed the lot into our very own camping haven. With the help of locals, we installed basic amenities like water tanks and bathrooms for a more comfortable stay. Just over an hour’s drive from our home in Ortigas Center, our temporary camping site offered serene landscapes and breathtaking mountain views, creating unforgettable family memories,” post ni Drew.
Sa reels na pinost ni Drew, ang ganda nga ng place at ramdam ang lamig ng lugar.
Balota ni Marian, mapapanood na rin sa Netflix
Streaming sa Netflix simula sa Jan. 31, 2025 ang Cinemalaya hit movie na Balota starring Marian Rivera. Maaalalang nagkaroon ng cinema release ang film last October 2024.
Sa direction ni Kip Oebanda, unang na-screen ang movie sa Cinemalaya 2024 at nagpapanalo kay Marian ng Best Actress award sa Cinemalaya ka-tie ni Gabby Padilla. Sa pelikulang ito na-discover ang pagka-aktres ni Marian.
Mark, nawalan ng trabaho dahil sa pagiging late
Dahil sa isyung pagsasayaw ni Mark Herras sa bar, may mga lumabas na kuwento na dapat kasama siya sa cast ng katatapos na Widows’ War. Ang role raw na napunta kay Royce Cabrera bilang si Jericho Palacios ang in-offer kay Mark.
Kaya lang, hindi raw sumipot sa taping si Mark, kaya no choice ang production kundi kumuha ng kanyang kapalit. Baka raw inakala niya na hindi maganda ang role ng karakter ni Jericho, kaya hindi siya sumipot noon.
Malaki ang role ni Royce sa nagtapos na teleserye.
May nagsabi namang sumipot siya sa taping, na-late nga lang, kaya napalitan o pinalitan na lang siya. Na-late man o hindi sumipot, nanghinayang ang netizens dahil nga ang haba ng exposure ni Royce sa series at tumatak sa viewers.
Anyway, preggy ang wife ni Mark na si Nicole Donesa ng second baby nila. May gender reveal ang mag-asawa kaya abangan natin.
- Latest
