Junior actor, bulilyaso ang career

Mukhang mabubulilyaso ang pag-build up sa isang junior actor para sa bagong image bilang artista.

Galing si junior actor sa isang showbiz clan. Magaling namang umarte pero walang direksiyon ang personal na buhay.

Kaya naman pati career, naaapektuhan. Nabigyan lang muli ng bagong project, hayun at nawala na naman sa huwisyo ang ugali, huh!

Muli na naman daw yumabang ang junior actor na sunud-sunod na ang projects. Pero after ng series na ginawa, uncontrollable muli ang kayaba­ngan niya!

Kaya on hold muna ang pag-build up sa kanya bilang junior action star hanggang hindi nagiging humble ang ugali!

Vina, ilalagay sa musical...

Original Kapuso star naman si Vina Morales kahit walang nakahula sa kanya na magbabalik siya sa GMA matapos ang mahigit dalawang dekadang pagkawala sa network.

Galing sa That’s Entertainment to GMA Supershow at Sunday variety show ng GMA si Vina bago lumipat sa ABS-CBN.

Mahigit dalawang dekada na ang huli niyang project na Codename: Verano bilang kapareha ni Phillip Salvador.

May nakaabang na GMA series si Vina sa kanyang pagbabalik.

Bukod sa drama, puwede ring isalang si Vina sa All-Out Sundays dahil marami rin siyang kantang nag-hit.

So expect natin ang pag-welcome kay Vina sa AOS one of these days!