Pagbalik sa GMA ni Vina, ginawa pang pahulaan

Grabe naman ang blind item na aktres na balik-Kapuso. May letrang A sa first name. Ang clue: may  letters L, O at S sa surname!!! And the answer is…

Teka, umusok ang mga balitang baka sina Iza Calzado at Angel Locsin ito. Bakit? Biglang mga silhouette ng pictures ni Iza at biglang paglabas ng pangalan ng nagbabalik diumano na Angel. Anubayun?

Humula tuloy ang mga tao ng iba’t ibang hula: Bettina Carlos, Lea Salonga, Janella Salvador, Maja Salvador, Nancy Castiglione, Karen de los Reyes, Akiko Solon, Pilita Corrales kahit nga Bella Flores.

Pero sino pala? Si Vina Morales.

Napatikom na lang ng bibig ang mga nanghula.

May naka-sked na storycon para sa bagong teleserye si Vina na may tentative title na Cruz versus Cruz.

Kung ang Kapamilya talents like Nikki Valdez, John Arcilla at Dominic Ochoa ay nag-ober da bakod na. Nakakagulat pa ba si Vina Morales na nagmarka bilang Kapuso sa SOP?

Maliban siguro sa teleserye, bagay rin siyang juror sa dance show ng Kapuso na iho-host ni Alden Richards.

‘Yun na, si Vina Morales na nga! Pero mananatili pa rin daw siyang nasa Star Magic. Ayaw ba ni Vina na mag-Sparkle? Bakit kaya?

Excited na ba lahat? (Katahimikan.) Wait and see tayo!

Janine at Jericho, bukod na pinagpala

After Lavender Fields, ang swerte naman nina Janine Gutierrez at  Jericho Rosales dahil totoo bang may kasunod na silang project together? At isang teleserye raw entitled The Accused.

Sinu-sino pa kaya ang makakasama nila sa teleseryeng ito? Sobrang pinagpala sina Janine at Echo kasi ok na sa pag-ibig, ok pa sa career! Sana talaga magtuluy-tuloy ito!

Lea, babalik sa teatro

‘Yan na, nailabas na – after ng musical ng Eraserheads, sinundan ito ng Parokya Ni Edgar, tapos heto na – mga kanta naman ni Jonathan Manalo sa Newport World Resorts called  Delia B. starring Phi Palmos kasama sina John Lapus and Mimi Marquez.

Ang tanong, ok kaya sa Born Again na relihiyon nI Jonathan ang ganitong drag-themed? Ano kaya ang stand nila rito?

Tapos heto pa ang maganda, ang ating Olivier and Tony award-winning actress Lea Salonga makes her grand return to the Philippine musical stage after six years.

Totoo bang isa siyang mangkukulam o ‘yung iconic witch sa musical ni Stephen Sondheim na Into The Woods, set for August this year sa Samsung Performing Arts Theater.

Exciting year for theater really!!!

Nakakataquote:

Bakit kaya walang impersonator sa mga comedy bar sina Vina Morales saka Pops Fernandez?

– Netizen Tossshhhiii on X