Pinost ni Paolo Contis ang photos nila nina Patrick Garcia at John Lloyd Cruz nang magkita-kita sila. At sapat na ang caption ni Paolo na “2025” para matuwa ang fans at mapa-throwback sila noong magkakasama ang tatlong aktor sa Tabing Ilog ng ABS-CBN.
In fact, alam pa ng fans ang mga pangalan ng karakter ng tatlong aktor, pero hinanap nila si Baron Geisler.
Dahil din sa post na ito ni Paolo, may mga nagma-manifest na magkaroon ng remake ang Tabing Ilog.
Anyway, may fans pala si Paolo na nagtatanong kung ano na ang nangyari sa movie niyang Dear Satan. May chance pa raw ba na maipalabas ang MAVX movie? Hindi naaprubahan ng MTRCB ang pelikula at ang title nito.
David, kinuyog sa jogging nila ni Sanya
Sa Vigan ang shooting ng movie nina Sanya Lopez at David Licauco na Samahan ng Makasalanan na collab ng GMA Pictures at film company ni Chavit Singson. Lugar ni Singson ang Vigan, kaya siguradong walang naging problema si director Benedict Mique sa shooting.
Ang netizens at ilang fans ni David ang tila may problema dahil hindi nila matanggap na si Sanya ang kasama niya rito. Nasabi na ng GMA Films bossing na si Ms. Nessa Valdellon na hindi magkapareha ang dalawa sa pelikula, kaya hindi dapat magligalig ang fans.
Mga comment na hindi raw sila bagay, wala raw chemistry at kung anu-ano pa.
Lalo pang nag-react ang mga kontra sa Sanya-David team-up nang may lumutang na video na nagdya-jogging ang dalawa.
Pati ilang BarDa fans nina David at Barbie Forteza nag-react na sa pagdya-jogging nila. If I know, nagselos lang sila para kay Barbie na actually, hindi dapat dahil for reel lang ang relasyon nila.
Karamihan sa kasama sa cast ng movie ay mga komedyante ng Kapuso network, nabanggit ni Singson dati na comedy ang concept nito kahit may pagka-sexy ang title.
Royce, dinamay si Rita!
This Friday na ang finale ng Widows’ War at sa Wednesday episode, na-reveal na ang karakter ni Royce Cabrera.
In fairness, ang gaganda ng project ni Royce, mapa-movie man o TV series. Hindi man siya ang bida, tumatatak ang role niya.
Gaya na lang sa Green Bones na ang role niya ay karelasyon ni Mikoy Morales at kabilang ang karakter nila ni Mikoy sa minahal ng moviegoers sa nasabing pelikula.