Maghanda para sa isang gabi ng walang humpay na katatawanan, sharp wit at nostalgic vibes sa pagdating sa bansa ni Kumar, Southeast Asia’s undisputed King of Comedy, ng kanyang Beats, Rhymes & Punchlines tour sa Newport Performing Arts Theatre sa Feb. 22, 2025, 8:00 p.m.
Punung-puno ng throwback vibes, mga walang hanggang tawa, at isang crash course sa karunungan ng mga henerasyon, nagbabalik si Kumar nang mas matapang at mas matindi, ipinapakita ang unapologetic vibes ng mga dekada ‘80 at ‘90 upang turuan ang mga Gen Z tungkol sa hirap at kasipagan ng nakaraan, kasabay ng Gen X wisdom, na ‘di mapigilan ang paghalakhak sa pagpapaliwanag kung paano nalagpasan ng Gen X ang buhay bago ang Wi-Fi, smartphones at internet. Mula sa mga laban ng college backbenchers hanggang sa cultural clashes ngayon, ang tour ni Kumar sa Manila ay siguradong puno ng katatawanan na sumasaklaw sa mga henerasyon.
Matapos mapagtagumpayan ang mga entablado at manonood sa mga “sold out” international tours sa iba’t ibang lungsod ng Australia, New Zealand, Bangkok, Indonesia at Malaysia noong 2024, ang hindi pa natatawarang tagumpay ng Beats, Rhymes & Punchlines ay nagpapatunay sa pagiging isang icon at kagalang-galang na artista ni Kumar, isang mahusay na stand-up powerhouse, at isang multi-talented performer na nag-e-entertain sa milyun-milyon sa buong mundo bilang komedyante, TV host, actor, dancer, director, at author sa nakalipas na tatlong dekada.
Hindi na bago sa block-buster shows at packed auditoriums, na may higit sa 25,000 tickets na nabenta mula nang ilunsad ang Beats, Rhymes & Punchlines ngayong taon, handa na si Kumar sa kanyang mga pasabog sa Manila sa pamamagitan ng kanyang performance na may magkahalong comedy, musical time machine, at pure entertainment magic.
Pinagsama ang nakakahawang humor sa musika at throwback vibes, inaanyayahan ni Kumar ang mga manonood na muling makipag-ugnayan sa nakaraan habang tumatawa sa kasalukuyan.
Ang Beats, Rhymes & Punchlines ay naghahatid ng isang makapangyarihang gabi ng mga nakakakiliting katatawanan at matalim na katotohanan—isang gabi na tumatawid sa mga henerasyon, na pinagbuklod ang Boomers, Gen X at Gen Z sa iisang bubong.
Ang mga tiket ay magiging available mula Dec. 11, alas-12 ng tanghali (PHT) sa https://www.ticketmelon.com/lol-asia/kumarbrpph. I-secure na ang inyong mga upuan para sa comedy experience na walang katulad at hayaan si Kumar na ipaalala sa inyo kung bakit siya ang master ng punchlines sa buong Southeast Asia.