Mukhang malaking tanong ngayon kung tutuloy pang lumipad ang mga artista natin pa-L.A. para sa Manila International Film Festival. Kailangan nga ba?
May suggestion pa ngang ‘yung gagastusin sana sa MIFF Gala ay i-donate na lang sa pagtulong sa mga naapektuhan ng wildfire sa L.A., ‘di ba?
Hindi rin magandang tingnan na nandu’n ang mga artista nating nakikipagsosyalan, dressed at their glamorous best tapos ang daming homeless.
Bad optics at insensitive ‘yun kung nagkataon.
Judy Ann, may kampanya sa busog-lusog
Napakagandang halimbawa ni Judy Ann Santos sa mga nanay na gustong ipakita sa mga anak nila ang kahalagahan ng pagtatapos sa pag-aaral nang makamit niya ang kanyang Master sa advance culinary studies sa Center for Asian Culinary Studies (CACS) under Chef Gene Gonzales.
Aside from bagging the prized MMFF50 Best Actress Award ay patuloy si Juday sa kanyang Chef’s Night sa kanilang Angrydobo sa Alabang!
After Kathryn Bernardo, Sue Ramirez and Dominic Roque, Elijah Canlas and Miles Ocampo, Marvin Agustin and Jolina Magdangal at si Lorna Tolentino, naging buzzword na ang pagta-try ng Juday Degustacion? Busog-lusog daw!
Kailan ba ang susunod, masubukan nga!
Anak ni Jean, napansin
Usap-usapan ang anak ni Jean Garcia na si Kotaro sa mediacon ng Lolong: Bayani Ng Bayan. Hindi siya kasama sa cast pero sinamahan lang niya ang mommy niya na patapos pa lang ang Widows’ War ay may Lolong 2 na agad.
Ayaw nga bang mag-artista ng anak ni Jean? Mas gusto raw nitong mag-boy band at nagti-training na yata.
Teka, papunta ba si Jean sa pagiging stage mom? Abangan!
Uge at Gladys, vlogger na rin!
Nakakatuwa na more and more artists are adapting to the times at slowly ine-embrace na nila ang pagvo-vlog!!!
Ang latest addition ay si Eugene Domingo na may Bonding With Uge na, habang si Gladys Reyes naman ay may Glad To Be With You! Kanya-kanyang channel na, kanya-kanyang network.
Ano kaya ang epekto nito sa content sa mainstream networks? Parang mas kinakarir na ngayon ang online shows, at pinapasukan ng commercials like ‘yung Judy Ann’s Kitchen at Ogie Diaz Showbiz Update. Dito na nga ba patungo ang mga palabas, sariling sikap na at to each his own content creation na?
Interesting times, ‘di ba?
Nakakataquote:
“Dylan Menor. Popular. You’re gonna pop-u-lar!” - Audie Gemora
Da hu nga ba si Dylan Menor? Abangers bukas!