Iconic Ph movies, may mura na
Ang JuanFlix, ang official streaming platform ng Film Development Council of the Philippines (FDCP), ay mas abot-kaya na! Maaaring mag-enjoy ang bawat Juan sa iconic masterpieces and contemporary classics ng Pelikulang Pilipino sa halagang P49 kada buwan o P349 para sa isang taon!
Bukod sa instant access sa mga pelikula mula sa National Artists of film tulad nina Nora Aunor, Ishmael Bernal, Lino Brocka, Marilou Diaz-Abaya, at Ricky Lee, tampok din sa JuanFlix ang mga short film, kabilang ang mga gawa ng mga baguhang estudyanteng filmmaker upang masilayan ang susunod na henerasyon.
Maaari ring ma-avail ng mga manonood ang Pay-Per-View selections mula sa iba’t ibang panig ng mundo! Kasama rito ang mga natatanging obra ni Direktor Wong Kar-wai na nakahanay sa mga kinikilalang pandaigdigang pelikula tulad ng Aftersun at Portrait of a Lady on Fire. Lahat ng ito ay maaari mong mapanood on-demand sa halagang P49 kada pelikula na watch-all-you-can sa loob ng pitong araw.
Ang JuanFlix ay isa lamang sa maraming inisyatibo ng FDCP na naglalayong gawing accessible ang de-kalidad na pelikula sa mga manonood at magbigay ng plataporma upang maipakita ang pinakamahuhusay na talento ng mga Pilipino. (DC)
- Latest
