Koronasyon sa Ms. Cebu 2025 karong gabii na!
CEBU, Philippines — Mahitabo na karong gabii ang koronasyon sa Miss Cebu 2025 nga giila nga usa sa mga prestihiyosong indigay kun diin mag-abot ang mga tang-an.
Pagahimoon kini sa Pacific Grand Ballroom sa Waterfront Cebu City Hotel & Casino.
Ang tema sa maong indigay karong tuiga kay “Miss Cebu 2025: Embodying the Heartbeat of the City” . Ang mga kandidata sa Miss Cebu 2025 kay naglangkob nila ni Cestine Aury A. Fenix, Demi Hailey Dela Calzada, Jolina P. Coronel, Kiara Liane E. Wellington, Irene Kyle Salutan, Christine A. Escanilla, Lorieche Layne Galariana , Angela Magienda P. Aumonier, Maijezel D. Sarcol, Shannara Eve D. Albo, Tatiana Shantal A. Benedetti ug Julianne Jaye C. Ramos.
Kanunay nga atangan sa mga Sugbuanon ang nahisgotan nga indigay gumikan kay gawas sa kaanyag, nagtangag usab ang lig-on nga abilidad niini sa pagtubag og mga pangutana ilabi na kun maghisgot og mga hiyas sa Dakbayan sa Sugbo.
Nag-agi usab og subsob nga workshops ang 12 ka mga kandidata , ingon man usab outreach activities.
Sa niaging adlaw, nagmalampuson pud ang gihimo nga pre—pageant activity kun diin nibisita sila sa ilang partners ug usa na niini ang The Freeman /Banat News.
Kapuso ug Kapamilya stars makighimamat sa ilang Sugbuanon nga fans
Samtang nagkadoul ang Sinulog 2025, magbaha usab ang mga artista nga gikan sa ABS-CBN ug GMA-7 ang gikatakdang motikang dinhi sa Sugbo .
Ang Kapuso stars nga sila si Ms. Jean Garcia, Timmy Cruz, Royce Cabrera ug Bea Alonzo kay dunay mall show karong Enero 17 sa alas 3 sa hapon sa Enclave, Parkmall sa Mandaue City .
Dugang Kapuso stars ang modalit og kalingawan karong Enero 18, alas 5 sa hapon sa Corte Garden sa Ayala Central Bloc ug kini mao ang mga bida sa teleseryeng "Mga Batang Riles" nga sila si Antonio Vinzon, Bruce Roeland, Miguel Tanfelix, Kokoy de Santos, ug Raheel Bhyria .
Mohatag pud og libreng kalingawan ang Kapamilya stars karong Enero 18 (Sabado) sa alas 4 sa hapon sa Ayala Center Cebu .
Gitawag ang maong kalihokan og Sinulog Festival Kapamilya Karavan 2025 ug langkoban kini nila ni Kim Domingo, Bassilyo, Smugglaz, Ron Martin, Big Mak, Mammoth, Baby Giant, Ryan Martin, Coco Martin, Donny Pangilinan ug Belle Mariano.
- Latest
