Alden at Anne, may pagtatambalan!

Sinagot ng mga fans ni Alden Richards ang comment ng kanyang basher kung bakit kumukuha ng endorser na hindi naman naglalaba. Ito ay dahil sa latest endorsement ng Kapuso aktor na Tide detergent na panglaba.

Para ipaalam sa basher na naglalaba si Alden, pinost nito ang interview sa aktor na  bago pa siya maging celebrity, marunong na siya ng mga gawaing bahay. Kapag nasa San Francisco, California siya, naglalaba, naglilinis, nagda-drive, at iba pang gawaing bahay.

In fact, kapag nakapag­linis na raw siya ng bahay nila sa Sta. Rosa, Laguna, bawal na ang magkalat. May isang video nga na hindi sinasadyang nabago ng dad ni Alden ang ayos ng throw pillows na nasa couch nila. Ang comment agad ng mga fans, ayusin daw ni Daddy Bae ang throw pillows bago makita ni Alden at magalit.

Anyway, pinalitan ni Alden si Luis Manzano na endorser ng Tide dahil bawal na yata sa mga kakandidato sa midterm elections sa May ang may endorsement. Hindi pinalitan ang TVC ni Luis, siya lang ang pinalitan, in-edit at isiningit si Alden kaya nagmukhang bago ang TVC.

Speaking of Alden, waiting na ang kanyang fans sa susunod niyang pelikula after “Hello, Love, Again.”  Sana raw, matuloy na ang nabalitang paggawa nila ng pelikula ni Anne Curtis na tila “Version 2” ang title.

LT, tumIkim ng adobo ni Juday

Hindi “shooting friends” sina Lorna Tolentino at Judy Ann Santos dahil naipalabas na ang “Espantajo,” tuloy pa rin ang friendship nila. Pinost ni LT ang video nang pagbisita nila ng anak na si Ralph Fernandez at apo na si Tori sa Angry Adobo resto nina Judy Ann at Ryan Agoncillo.

Tuwang-tuwa si Judy Ann sa pagdating nina LT, napasigaw pa at agad yumakap kay LT. Gumanap silang mag-ina sa MMFF movie and obviously, naging close.

Dumating sina LT sa tinawag ni Judy Ann na #ADChefsNight, kaya ang caption niya sa photo nila ni LT ay “Thank you to our lovely guests for the 1st seating of Angrydobo Chef’s Night.”

Maiba lang kami, ang ganda ng panganay na apo ni LT at fashionista na makikita kung paano siya manamit. Very proud ang award winning actress sa anak ni Ralph at sa mediacon nga ng Espantaho, naikuwento na may sinalihang competition ang apo, hindi na lang namin maalala kung ano  ‘yun, basta very proud na lola si LT’

Kylie at non showbiz guy, split na agad

May konting reklamo ang mga netizens sa balitang break na sina Kylie Padilla at ang boyfriend niya. Naging karelasyon at nag-break nang hindi man lang daw nakita ang face ng guy.

Ang galing daw magtago ng ex ni Kylie dahil sa mga bakasyon nila ni Kylie, kamay lang ang nakikikita sa kanya. Minsan naman, nakatalikod ito at naalala namin, sa photo na nagsa-shopping sila ni Kylie, may suot namang face mask.

Mabuti pa raw ang brother ng guy, nakunan ng video ang mukha nito habang magkasama sila ng Kapuso actress at pumayag pang magpa-interview.

Ang payo kay Kylie ng kanyang fans, maging single muna at mag-focus sa kanyang career at dalawang anak, lalo na at lumalaki na sina Alas at Axl.