Barbie, nayari ng scammer sa online shopping app

Hindi nakaligtas ang aktres na si Barbie Imperial sa scammer sa isang online shopping app.

Ipinost niya ang litrato ng dapat niyang bibilhing item na handheld electric mixer pero makikita rin sa baba ang photo ng natanggap niya na may caption na, “HHAHAHAHA SCAMMED.”

Isang pares lang ng medyas ang laman ng kahon na idineliver sa kanya at mukhang gamit pa iyon.

Humingi rin siya ng tulong sa online shopping app.

Agad namang napansin ng mga netizen ang pangalan ng shop na binilhan nito at kaduda-duda na nga raw agad iyon.

Pati raw ang presyo ay masyado raw mura iyon para sa brand na iyon (Kitchen Aid).

Mukha nga raw kinakarir nito ang pagluluto dahil sa handheld mixer na inorder nito.

Maaalala ngang nag-culinary school nakaraang taon ang rumored girlfriend ni Richard Gutierrez.

Samantala, payo sa kanya ng mga netizen ay sa susunod daw ay sana magbasa rin ito ng reviews dahil madalas nga mababasa roon ang mga opinyon ng mga nakabili na at siguruhin daw na legit ang seller.

‘Kaloka.