Fans ni Jak, aligaga sa panlilibak sa third party?!

Pati ang mga tweet sa X ng sister ni Barbie Forteza, binibigyan ng ibang meaning at ipinag-react ng fans ni Jak Roberto. Gaya na lang ng tweet ni Gabrielle Vierneza, older sister ni Barbie na “And if I’m flying SOLO At least I’m flying freeeeeee.”

Comment ng supporter ni Jak, nag-break daw nang walang dahilan sina Barbie at Jak. Baka third party raw si David Licauco dahil touchy si Barbie kahit sa trabaho.

Nagbanta pa ang fan na maghintay lang ang ate ni Barbie dahil may ilalabas na screenshot si Jak. Pinost pa ng fan ni Jak ang photos ng BarDa na oo nga at sweet, pero parang kuha sa taping o shooting.

May binanggit pa ang fan ng kapatid ni Sanya Lopez na hindi maganda at hindi na dapat isulat at mabasa pa ng iba. Dito na umalma ang stylist friend ni David na ‘wag agad maniniwala sa mga nababasa dahil walang kinalaman si David sa breakup ng JakBie.

In fairness, mukha namang hindi apektado si David sa “ingay” ng fans at bashers. Nasa Balesin daw ito, hindi lang malinaw kung para saan ang caption niya sa kanyang post na “Chill lang.”

Anyway, kumpirmado na break na sina David at ang hindi niya pinakilalang GF noong December last year pa. Sinabi mismo ito ng aktor na single na siya sa launching ng kanyang coffee endorsement.

Mas nauna ang breakup ni David sa ex bago ang breakup nina Barbie at Jak.

Daniel, may pinaghahandaang new album?!

Excited ang fans ni Daniel Padilla sa napanood na larawan nito na nasa recording studio at kahit para ‘yun sa promo ng Incognito, ibig sabihin nito, he’s back to singing na rin. Mas matutuwa ang fans kung para sa ipinangakong new album niya ang pagbabalik niya sa recording.

Sa Jan. 17, 2025 ang simula ng streaming ng Incognito sa Netflix at sa Jan. 20, ang premiere nito sa Kapamilya Channel. Okay lang siguro kina Richard Gutierrez, Ian Veneracion at iba pang cast ng action-packed series kung focus ang fans ni Daniel sa kanya.

First project ito ni Daniel after ng breakup nila ni Kathryn Bernardo at simula rin ng solo era kaya kailangan ng suporta ng fans.

Pa-birthday ni KC kay Sharon, inaabangan na!

Birthday ni Sharon Cuneta sa Jan. 6, 2025 at bago pa dumating ang kanyang kaarawan, marami na ang bumati sa kanya. Nauna na ngang nag-happy birthday kay Mega sina Zsa Zsa Padilla, Arlene Muhlach at Aga Muhlach.

Hindi rin nagpahuli ang fans sa birthday greetings nila kay Mega na 59 years old na at isang taon na lang, magiging senior na ang singer-actress.

Mas masaya rin ang birthday ni Sharon ngayon dahil okay na sila ng eldest niyang si KC Concepcion. Sigurado raw na makakasama nila Sharon si KC sa birthday dinner nila.

Waiting na ang fans nina Sharon at KC na mabasa ang greetings ni KC sa ina.