Juday at Piolo, may chance sa 2025!?

MARAMI ang nag-akalang magkakaroon ng isnaban between Judy Ann Santos at Piolo Pascual nang magsalubong ang landas nila sa Gabi ng Parangal ng 50th MMFF sa Solaire South.

Pero nagkamali ang lahat dahil nagkaroon ng pictorial sa backstage sina Juday at Piolo, huh!

Of course, naging loveteam ang dalawa pero naghiwalay at nagkanya-kanya ng career.

Pero nananatiling civil sa isa’t isa sina Juday at Piolo lalo na’t may pamilya na si Judy Ann.

Ngayong alam nating lahat na ok sila, magkaroon kaya ng pagkakataon na magtambal ulit sila sa pelikula?

‘Yan ang abangan natin ngayong 2025.

Dennis, pinanindigan ang tulong sa PDLs

PINANINDIGAN ni Dennis Trillo ang character niya sa festival movie niyang Green Bones dahil ang cash prize na kalakip ng panalo niya sa movie bilang Best Actor eh kanyang ibinigay sa PDLs (Persons Deprived of Liberty) dahil na rin sa suggestion ng asawang si Jennylyn Mercado.

Kinausap ng road manager ni Dennis na si Jan Enriquez ang taong may alam sa PDLs na isang senior program manager kung saan naging bahagi ng paglikha ng kuwento ng Green Bones lalo na ang Tree Of Hope.

Malaking tulong  ang naging donasyon ni Dennis sa PDLs na mahirap din ang buhay sa kulungan.

Dahil sa maraming awards na napanalunan ang Green Bones, nadagdagan muli ng sinehan ang pinagtatanghalan nito!