Marian, napahagulgol sa regalo ni Dingdong!

Ang bongga naman ni Marian Rivera na nakatanggap ng pinaka-thoughtful na Christmas gift galing sa mister niyang si Dingdong Dantes.

Ipinost ng nanay nina Zia at Sixto ang pag-unbox niya sa regalo ng mister na nasa isang malaking wooden box.

Binasa muna nito ang letter ng Kapuso Primetime King kung saan sinabi nitong dagdag ito sa lumalaking collection ng misis kung saan ito kinilig at sabik na binuksan ang kahon.

Pagbukas nito ay nabigatan si Marian sa laman noon at nang buksan nga ito ay sculpture pala ito na inspired sa poster ng Rewind movie nila, na comeback film nilang mag-asawa.

Naging emosyonal nga ang Kapuso Primetime Queen at sa caption niya sinabi niyang nagka-tears of joy siya sa regalo galing sa hubby niya.

Thankful daw siya sa memories sa pelikula nilang Rewind na nagpapaalala sa kanya ng lahat ng moments nila na parati raw niyang ite-treasure.

Pagkatapos nga raw niyang buksan ang regalo ay napatakbo siya sa mister.

Niyakap daw niya ito nang mahigpit at napahagulgol.

Emosyonal nga siya at sila lang daw ng mister ang nagkakaintindihan.

Na-touch nga rin ang netizens sa regalo ni Dingdong kay Marian na astig nga raw iyon.

Mas na-appreciate nga raw nila ito kesa sa mga doll collection ng aktres na monster.

Sey pa ng iba, mas nakaka-inspire raw ang mga ganitong regalo na meaningful at hindi lang daw basta luxury brands.

Sumang-ayon sila na nakakaiyak naman daw talaga na mabigyan ng ganitong regalo na personalized.

Samantala, ang ganda-ganda talagang tingnan ng pamilya nila sa family portrait nila nung Pasko lalo na ang mga anak nilang sina Zia at Sixto na napakaganda at gwapo.

Lutang nga raw ang pagkahawig ni Zia sa daddy niya habang si Sixto ay sa mommy niya.

Bongga.