Dominic, laging bitbit si Sue!

Isa-isa nang ipinakikilala ni Dominic Roque ang “ka-exclusively dating” niyang si Sue Ramirez sa mga taong close sa kanya.

Isinama ni Dominic si Sue sa Angry Adobo restaurant nina Judy Ann Santos at Ryan Agoncillo.

Nag-dinner sina Sue at Dominic at kabilang sila sa special guests sa Chef’s Night ng resto. Nakasalo nila sa dinner sina Kathryn Bernardo, Elijah Canlas at Miles Ocampo at ang Teo couple ng Aivee Clinic.

Sabi ng mga comment, batay sa body language nina Sue at Dominic, hindi na lang sila basta exclusively dating, baka one of these days, i-announce na nila na silang dalawa na. Kapag nangyari ‘yun, marami ang matutuwa, lalo na ang DominSue shippers.

Ang dami ring nag-comment na bagay sila, ang gaan nilang tingnan at nakakagala sila kahit sa mga publikong lugar. Spotted na nga sila sa isang lugar sa gilid ng kalsada na kung saan, marami ang nagpa-picture sa kanilang dalawa.

Ang hinihintay ng fans ay kung kailan ipakikilala ni Dominic si Sue sa kanyang pamilya.

Matatandaang dinala rin ni Dominic ang ex niyang si Bea Alonzo sa bahay nila at ipinakilala sa parents niya, kapatid at mga pamangkin.

Kailan nga kaya ito mangyayari?

Alden, mamahinga sa Amerika

For the second time, absent si Alden Richards sa New Year Countdown ng GMA Network, aalis ang aktor kasama ang kanyang pamilya para magbakasyon sa Amerika.

Hindi binanggit kung kailan lilipad pa-Amerika sina Alden, pero tiyak na wala siya rito sa December 31, 2024. Natuwa ang fans ng aktor dahil makakapagpahinga siya na naging busy ang 2024 at magiging busy ang 2025.

Nasa Amerika pa si Alden sa kanyang birthday sa January 2, 2025 na ikinalungkot ng KathDen fans nila ni Kathryn Bernardo. Ibig sabihin daw, hindi magkasama ang dalawa sa birthday ng aktor?

Para namang walang social media para hindi mabati ni Kathryn si Alden sa kaarawan nito? Saka, puwede namang sa pagbabalik ni Alden from the States, saka sila mag-celebrate.

Anyway, bago lumipad pa-Amerika, dumalo muna si Alden sa Christmas Party at Thanksgi­ving Party ng Pulang Araw. Masaya ang party at bida sina Alden, Sanya Lopez, David Licauco at Barbie Forteza sa TikTok dance kasama ang youngstars ng Sparkle na gumanap  na mga bata sa karakter nila sa historical drama series na magtatapos sa December 27, 2024.

Wala pang TV project for Alden na in-announce ang GMA-7. Ang project palang nito ay ang Out of Order nila ni Heaven Peralejo na sa Netflix daw ang airing. Collab ito ng Viva Films at Myriad Entertainment ni Alden.

Iza, pinigilang sumigaw sa tabi ni Stell at Pablo

Nag-fangirling sina Iza Calzado at Kara David nang ma-meet sina Pablo at Stell Ajero ng SB19 sa premiere night ng Green Bones. Katuwa ang dalawa na inaming fans sila ng SB19 at may photo pa nga si Iza na sa tuwa, tinakpan ang bibig para siguro mapigil ang pagsigaw...pero sumigaw pa rin ito.

Nakipagkuwentuhan pa si Iza kay Stell at parang ang dami nitong kuwento at nakikinig naman si Stell na nakangiti.

Si Kara naman, nakipag-selfie kina Pablo at Stell sa loob ng cinema, after ng showing ng Green Bones.

Ang SB19, ang kumanta ng theme song ng entry ng GMA Films, GMA Public Affairs, at Brightburn Entertainment sa 2024 MMFF na Niyebe na bagay sa movie na dinerehe ni Zig Dulay.