Gipabuhagay sa FranSeth bulawanong mensahe  sa "My Future You"

CEBU, Philippines — Ang pagpasaylo ug kahibalo makontento  sa kasamtangang estado maoy  nagtangag nga mensahe sa pelikula nila ni Francine Diaz ug Seth Fedelin nga "My Future You".

Atol sa press conference nga gidumala ni Ms. Josie Pereyra sa niaging adlaw didto sa SM City Cebu   ,gibutyag nila ni Francine  ug Seth nga  dunay gyu'y bug-at nga mensahe ang ilang pelikula  nga makahatag og inspirasyon sa kadaghanan.

Matud pa nila ni Francine ug Seth nga bisan paman sa  suliran nga mahiagoman sa mga tawo, maabot gyud ang panahon nga mahaw-as kini sa maong sitwasyon .

Wala gyud sila  nagduha-duha sa pagdawat sa maong proyekto gumikan sa importanteng mensahe nga nagpahipi niini.

Nagpamatoud kini nga dili lang sila kutob sa pagpa-cute, ug duna gyud sila'y katakos alang sa mga bug-at nga karakter ..

Gidumogan sa bagang dout sa mga tawo ang ilang mall show dinhi sa Dakbayan sa Sugbo  niadtong weekend. Ang 'My Future You' kay entry sa Regal Entertainment alang sa Metro Manila Film Festival 2024 ug ipasalida karong Disyembre 25.

Ang maong pelikula kay nagsaysay sa istorya sa duha ka tawo nga konektado sa misteryosong kometa ug usa ka dating app nga nagsumpay sa ilang mga timeline—2009 ug 2024.

Gisulayan sa ilang mga karakter ang pagsubay  sa nangagi aron matukod ang mas hayag nga kaugmaon, apan ang ilang mga pagpili kay nalandig  sa wala damha nga sangpotanan .Kahinumdoman nga nailhan sila si Seth ug Francine  sa kadaghanan human sila nahimong bitoon sa teleseryeng Kadenang Ginto sa  ABS-CBN ug didto nagsugod ang nagsagonson nila nga mga proyekto.

Big 4 sa Metro Magazine

Ang “Pinoy Big Brother: Gen 11,” big four nga sila si Fyang Smith, Rain Celmar, Kolette Madelo, ug  Kai Montinola maoy latest cover  sa Metro Magazine. Gipaambit sa grand winner nga si Fyang ang daghang kausaban sa iyang kinabuhi human siya nisalmot sa Kapamilya reality show.“So many things have changed. I’ve experienced things I never imagined before—like guesting and stepping into the world of showbiz. It’s overwhelming but incredible,” nagkanayon si Fyang .

Nagsagunson nga kamatayon

Nihatag og pagpasabot si  Coco Martin sa sagunson nga pagkawala sa pipila ka mga karakter sa "FPJ's Batang Quiapo". Suma pa sa aktor nga kabahin kini sa alang sa  tulin nga dagan sa istorya .Kahinumdoman nga nagsagunson ang kamatayon sa mga karakter nila ni Lena ( Mercedes Cabral), Noy ( Lou Veloso) ug uban pa."'Yun talaga 'yung flow ng kwento. Kumbaga, hinog na siya. Gusto ko kahit December o kahit ano 'yung okasyon gusto ko dire-direcho kasi buo 'yung kwento eh, kasi ang dami naming interesting characters na dapat bigyan ng kwento eh," saysay pa ni Coco ngadto sa ABS-CBN News.

Nakadaog sa ATF

Nakadaog ang ABS-CBN sa labing una nga  Asia TV Forum & Market (ATF) Expo Horror Content Pitch alang sa  horror film nga “Hysteria.”Sa gihimong 2024 ATF Expo sa Singapore, nag-una  ang “Hysteria” nga sinulat sa  premyadong Pinoy screenwriter nga si Jaymar Santos Castro, ug nakaatbang niini ang mga pelikula sa  Indonesia, Malaysia, ug Singapore.Sa kadaogan niini ,nakadawat  ang ABS-CBN International Productions og  "development and distribution package" gikan sa Asian studio nga EST x N8.

Tambag ni Juday

Gipaambit ni Judy Ann Santos ang sikreto nila ni Ryan Agoncillo alang sa lig-on nila nga kaminyoon.

Gimintinar nila ang ilang pribadong kasikas sa pamilya .

Gitambagan ni Juday ang mga tawo nga dili gyud ipublikar kun magkasumpaki kini sa  ilang mga partner aron dili modako ang problema . “Never wash your dirty linens in public kasi mas lalong hindi maaayos kapag nag-involve kayo ng ibang tao,” saysay pa ni Juday sa interview ni Ogie Diaz . Nagkanayon ang aktres nga kinahanglan nga istoryaan og tarong kun dunay problema . “Kung kami lang ang may issue, kami lang ang dapat mag-usap at kami lang ang dapat mag-ayos," niya pa. 

Janine ug Kim nagdedmahay?

Gisumsoman karon ang chika nga matud pa wala nagtingganay sila si Kim Chiu ug Janine Gutierrez sa dihang nagkaabot kini sa rehearsal sa usa ka kalihokan sa ABS-CBN. Nitumaw ang mga pagduda nga basin gikiwawan lang sa usag -usa ang duha ka mga aktres. Una na nga nigawas ang report nga nagkasinabtanay na sila si Kim ug Paulo Avelino nga gidungog nga ex-boyfriend ni Janine.

Time management gipaneguro ni Jhoanna

Gitataw sa leader sa BINI nga si Jhoanna nga  namintinar gihapon niya ang  saktong  pagbahin sa iyang oras bisan pa man sa iyang ka-busy . Suma pa sa singer nga  dili pud niya usikan ang mga maayong opportunidad nga naabot sa iyang kinabuhi busa saktong paghupot lang gyud sa oras ang gikinahanglan .

Nahisgotan kini ni Jhoanna human dunay netizen nga nangutana kaniya kun unsaon niya paghatag og oras sa mga  minahal niya sa kinabuhi ilabi na karon nga naglawig ang iyang showbiz career. "Kapag mahal mo yung ginagawa mo and mga kasama mo, magagawan mo ng paraan. Ayoko lang din magkaroon ng mga missed opportunities. Hindi lahat nabibigyan ng ganitong chances so might as well grab it,"  matud pa niya.