Mathon, sisipot kaya sa parada?
Sasama ba sina Maris Racal at Anthony Jennings sa Parade of Stars sa Sabado? Maganda sana ito kung sakali, dahil talent naman nila ang mamamayani sa pelikula!
Pero maganda rin ang isang pananaw na ayaw namang masapawan ang pelikula ng kontrobersyang kanilang kinasangkutan, ‘di ba?
TV5 reporter, pinaalis sa presscon ng breadwinner…?!
Totoo nga kayang pinag-iisipang magreklamo ang TV5 sa pamunuan ng Metro Manila Film Festival dahil sa hindi magandang pagtrato sa kanilang reporter sa presscon ng And The Breadwinner Is…? Bakit kaya?
May kinalaman ba ito sa It’s Showtime na wala na sa TV5? ‘Wag naman sana. Ok na rin kaya ang guesting ng ibang entries ng MMFF sa GMA 7?
Balitang na on hold ang guesting ng mga grupo sa Family Feud at Fast Talk with Boy Abunda – pinayagan na kaya? Sana naman!
Juan Karlos, may entry sa himala!
Malaking dagdag sa Isang Himala ang pagkakakanta ni Juan Karlos ng kanilang theme song. At least magiging pamilyar ito sa bagong henerasyon.
Makakadagdag kaya ito ng mga manonood? Sana! At si Ate Guy (Nora Aunor)?!
Sana suportahan ang pelikula ng Noranians. Sana talaga!
Seth, astang Daniel Padilla?!
Bakit Budget KathNiel (Kathryn Bernardo at Daniel Padilla) ang tawag sa tandem nina Seth Fedelin at Francine Diaz (FranSeth)? Astang Daniel Padilla raw, may dating DJ daw talaga itong si Seth kaya aabangan natin ang kanilang My Future You na sinasabing dark horse sa box office sa MMFF 50!
Malay mo nga naman that they’ll pull off a surprise sa ating lahat, at talagang tubong lugaw ito sa takilya.
Sa pagiging seryoso ng ibang entries, isa talaga ito sa mga pampamilyang alternatives.
Mister ni Small Laude, nabiktima rin ng screenshot?!
Ang asawa ng social media star na si Small Laude na si Phillip, may screenshot din at napahamak dahil sa paglabas ng diumanong “other girl” sa social media?
Kakaiba ang netizens at may nag-comment pa na “Ikaw ba naman ang magdocument ng lahat ng ginagawa mo, aayawan ka rin naman.”
Grabe, ‘di ba, may balik at may opinyon talaga ang lahat. Ano kaya ang epekto nito kay Small Laude? Kebs na natin, ‘di ba?
Nakakataquote:
“Comedy is pain.” – AiAi delas Alas
- Latest
