Grand champion sa The Clash

CEBU, Philippines — Si Naya Ambi maoy napili nga  grand champion sa  "The Clash" Season 6 gumikan sa iyang hugyaw nga version  sa "I'll Be There" ni Mariah Carey. "I am beyond grateful for the things I've learned during this competition, Thank You so much!" suma pa ni Naya. Sila si Julie  Anne San Jose ug Rayver Cruz ang hosts sa  Kapuso show nga "The Clash". -Sanden J. Anadia

Joshua gihagad og sinumbagay ni McCoy?

Gisumsoman karon ang chika nga matud pa gihagad ni McCoy de Leon og sinumbagay ang aktor nga si Joshua Garcia.

Giingong puwerting lagota ni McCoy human niulbo ang hungihong nga dunay milagrong gibuhat sila si Elisse Joson ug Joshua sa usa ka event.

Uyab ni McCoy si Elisse , gani duna na sila'y anak.

Padayon nga nagpakahilom ang tagsa-tagsa nila nga mga kampo kalabot sa maong taho.

Responsibilidad sa ginikanan

Gitataw ni Regine Velasquez nga dili responsibilidad sa anak nga mahimong breadwinner sa pamilya . Matud pa niya nga responsibilidad sa ginikanan nga buhion ang ilang anak. Apan kun duna kini kapasidad sa pagtabang ug makita ang sitwasyon sa pamilya, wala ra gyu'y problema ang pagtabang. “First of all, I want to say na kaya tayo tumutulong because we are given special abilities. Pero hindi responsibilidad ng anak na maging breadwinner… I was not obligated to, pero nakita ko kasi yung sitwasyon namin eh… Binigyan ako ng maraming pagkakataon, so tumulong ako,” ni Regine pa.

Single gihapon

Hugtanong gihimakak ni Karla Estrada ang taho nga matud pa dunay bag-ong girlfriend ang iyang anak nga si Daniel Padilla.  Wala pa'y laing babaye nga nakapapitik sa kasingkasing ni Daniel sukad sila nagkabulag ni  Kathryn Bernardo sa niaging tuig.

Divorce process

Kasamtangang  giproseso ang diborsyo sa magtiayong   Rufa Mae Quinto ug  Trevor Magallanes. Si Trevor mismo ang nikumpirar niini pinaagi sa iyang Instagram story sa niaging adlaw."Hey guys, I felt like I need to explain myself based on social media and all that. I want to make myself clear that Rufa Mae and I are in the process of a divorce," ni Trevor pa.