Pops at Martin, susulitin ang pasko

Magkasamang aalis ng bansa sina Pops Fernandez at Martin Nievera para sa 1st birthday ng first apo nila na si Baby Finn sa Lunes, Dec. 16, papuntang sa Chicago.

Kaya naman pareho silang excited na saksihan ang milestone na ito ng apo sa panganay nilang anak na si Robin.

“Siyempre, one year na. Ako, feeling ko, ang bilis ng panahon kasi parang kelan lang baby siya, ngayon one na pala siya. So it’s somehow, although they are very, very far from us, thank God for technology, we still manage to get in touch. Pero ‘yun na nga, we wanna spend more time with them, more time with Finn, specially. Susulitin namin itong trip na ‘to,” sabi ni lolli Pops sa ginanap na pocket presscon para sa kanilang pre-Valentine concert na  Always & Forever sa MOA Arena sa Feb. 7, 2025.

At si Martin, Lilo Martin, may special role sa birthday celebration.

At itutuloy na ang birthday celebration na ‘yun ng kanilang family Christmas get-together na ang Concert King ang papapel na Santa Claus.

Nang tanungin kung ano ang birthday gift nila kay Finn, ani Pops, “I guess we’ll figure it out when we get there. Mahirap mag-gift kasi siyempre, ‘di pa masyadong aware si Finn, ‘no? As a matter of fact, I wanted to plan something else. But tama, siguro ‘pag mas aware na siya, nakakaintindi na talaga siya. Right now, it’s just really a matter of celebrating his very first birthday. It’s really more for the grandpa­rents, even in the Chicago side. We’re more excited than Finn, hahaha!”

Si Martin naman ay “presence” aniya. “Mahal ang tiket, ha! Okay na ’yon,” tumatawang sabi ng Concert King.

From Chicago, diretso na sila sa Las Vegas upang makasama ang bunso nilang si Ram at si Santino na anak ni Martin sa ex-partner niyang si Katrina Ojeda.

Sanay na ang dating mag-asawa sa blended family although naging uncomfortable daw ayon kay Pops nung una nila itong gawin. “Sa umpisa, it was very hard, very complicated for me. But now I think it’s a blessing that everyone is getting along. I mean, the two families are getting along. It makes life a lot easier for me. What makes it hard is the travelling. Having to go there, you know, two places at one time. Next year, though, hopefully, all three kids will be in the same city, the same part of America. They’ll all be in Las Vegas… sana, ‘no? So that we just have to go one stop. But this Christmas, we have to make a stop in Chicago first to see our grandson and Robin, do a little early Christmas, and Mian (mommy ni Finn) of course, and then go to Las Vegas. So medyo tiring ang travelling this Christmas. But I like it, I’m just very at ease now and more relaxed to know that everyone is getting along. So Christmas will be a little less stressful for me this year,” dagdag naman ni Martin na may kaba pa rin sa kanilang pre-Valentine concert ng dating misis.

Pero sa bagong taon ay hiwalay na sila dahil magpapaiwan si Pops sa Las Vegas samantalang si Martin ay babalik ng bansa para sa kanilang New Year’s Eve show nina Lea Salonga at Bituin Escalante sa Solaire.

Bukod sa Always & Forever na magiging selebrasyon ng kanilang 40 plus years ng pagiging team, marami silang shows sa abroad sa 2025.

Pero may pasabog daw sa kanilang concert dahil may baka may maganap na  “marriage proposal” sa gabing ‘yon.

“I received a text from someone and he said, ‘is it okay if I do your voice over because… baka ‘di ko dapat sabihin kasi masyadong… anyway, he wants to watch our show because within the show gusto niya mag-propose sa kanyang partner. I won’t say who baka kasi surprise,” bitin na tsika ng Concert Queen.

Wala silang binigay na clue kung celebrity couple ‘yun.

Anyway, ang Always & Forever ay produced ng Viva Live, DSL Productions and Starmedia Entertainment. Available na ang tickets sa SM Tickets.

Aktor, ginagamit ng GF na pang-front sa totoong jowa

Ang taray ng sexy actress kung totoo ang intrigang ‘kept woman’ siya ng isang pulitiko habang ang press release niya ay in love siya (sexy actress) sa ka-loveteam.

Yup, may totoong may ‘papa’ raw ang sexy actress na hindi naman gaanong oldie pero may iba ring GF.

Kawawa naman kung ganun ang jowa ng sexy actress na asang-asa na sila na nga ang magkakatuluyan.

Ang advantage ni pulitiko, mas madatung kesa sa actor na ang alam ng lahat ay BF nga ng sexy actress.

Ang hinhin ni sexy actress, pero nasa loob pala ang landi.