Balik-GMA si Iza Calzado sa 2024 Metro Manila Film Festival entry na Green Bones. Sa mediacon ng movie, binati niya ang press ng “Hello, mga Kapuso!”
Nang tanungin kung balik-GMA na ba siya, ikinuwento kung bakit siya nakasama sa cast.
“Hindi ko na-realize ‘yun. Ms. Nessa (Valdellon), asked if this is my comeback with GMA, ‘di ko pa rin na-realize. When I read the script of Green Bones, I said yes, regardless who was producing it. I said yes because the project is sooo good. I really want to be part of this film. Yes, ito nga ang pagbabalik ko sa GMA. Pamilya ko ito for 10 years,” sagot ni Iza.
Sa follow-up question na how is it working with Kapuso stars, sabi ni Iza, si Wendell Ramos hindi niya nakaeksena sa movie. Sina Dennis Trillo at Alessandra de Rossi lang ang nakaeksena niya. “It is my first time to work with Dennis. It feels so familiar and also new. Parang it brought me back to my 20s. The news Kapuso, ‘di ko sila nakaeksena. It’s nice to work with everybody,” sabi ni Iza.
Anyway, expect Iza to guest in GMA 7 shows to promote Green Bones na mapapanood simula Dec. 25, sa direction ni Zig Dulay. Produced ito ng GMA Pictures at GMA Public Affairs.
Anthony, sinisi!
Kahit nagsalita na si Maris Racal sa kinasangkutang kontrobersya, hindi pa rin maalis ang pamba-bash sa kanya. Kahit inako ang pagkakamali, hindi pa rin matigil ang hate comments.
Nagrereklamo ang fans niya, bakit daw ang aktres lang ang kinokondena at sinisisi sa iskandalo nila ni Anthony Jennings. Bakit daw ang lumalabas ay kasalanan lang ni Maris ang lahat, gayung dalawa silang involved ni Anthony.
Kumbaga, pareho silang naglandian at kahit sabihing ang unang nag-flirt, dapat daw hindi siya sinakyan ng aktor. Dapat daw naisip nito na pareho silang may karelasyon at kung nasa ayos ang pag-iisip ni Anthony, dapat nakipag-break muna siya kay Jamela Villanueva bago nakipag-flirt kay Maris.
Ngayon, pareho silang nagsa-suffer ng consequences, pareho silang kinu-crucify at apektado ang kanilang career. Si Maris, inalis ng endorser ng Dazzle Me at wala na rin sila ni Anthony sa promo material ng flavored coffee. Pati poster niya, inalis na rin. Si Hidilyn Diaz na lang na kasama nilang endorser ang naiwan.