Maris, ‘di kinaya ang bashers nila ni Anthony!

Naka-off na ang comment box ng Instagram ni Maris Racal pagkatapos i-upload ng ex-girlfriend ni Anthony Jennings ang series of tweets nina Maris at Anthony. Kaya lang, ang two latest post lang ni Maris ang naka-off, kaya nasugod pa rin siya ng netizens na iba’t iba ang comment.

Karamihan sa comment, kinowt si Maris sa palitan ng text messages nila ni Anthony at hindi kagandahan ang mga sinasabi ng netizens. Kung anu-ano rin ang itinawag sa kanya, kaya kailangan niyang i-off ang comment box ng IG niya.

May nag-comment pa na kung magpapatuloy ang pamba-bash kay Maris, malamang i-turn off niya ang comment box ng lahat ng post niya.

Ang action series na Incognito na kasama sa cast si Maris ay sa Jan. 20, 2024 pa ang premiere. Na tiyak by that time, nakalimutan na ng netizens ang isyu nin Maris at Anthony, kaya safe ito sa mga nagsabing hindi nila panonoorin.

In fairness, ang galing tumiyempo ng ex ni Anthony na si Jamela Villanueva dahil inilabas ang series of exchange of texts nina Maris at Anthony kung kailan nagpo-promote ng MMFF entry. Damay rin ang Incognito sa napag-uusapan, mabuti na lang at next year pa ang airing.

Samantala, naka-open pa ang comment box ng Instagram ni Anthony Jennings at hindi siya pinatawad ng bashers at mga nakasimpatiya sa ex-GF niyang si Jamela Villanueva. Kahit patungkol sa movie na And The Breadwinner Is ang post ng aktor, hindi mapigil ang hate comments.

May nanawagan pang i-cancel si Anthony na unfair din dahil cheater daw. Naalala namin, nabanggit nito sa isang interview na kailangan niyang magtrabaho dahil mahirap lang sila. Bakit naman idadamay ang career niya sa personal nilang isyu ng ex at ni Maris?

Pinayuhan naman ng ibang netizens si Anthony na siya dapat ang mag-private o kaya’y i-off ang comment box ng IG.

GB, Naka-PG!

May good news si Nessa Valdellon ng GMA Pictures at GMA Public Affairs patungkol sa 2024 MMFF entry nilang Green Bones.

“Answered prayer: families can watch GREEN BONES together as our MTRCB rating is PG.”

Kaya pwede sa pami-pamilya ang pelikula starring Dennis Trillo and Ruru Madrid directed by Zig Dulay. Hindi lang sina Ruru at Dennis ang rason kung bakit panonoorin ang nabanggit na pelikula. Isa rin sa rason ang director.

Kaya namin nasabing isa si direk Zig sa magiging rason kung bakit panonoorin ang movie dahil may netizens na kapag gawa niya, panonoorin nila, pelikula man o TV series. Natanong namin si direk Zig tungkol dito at nagpasalamat siya na may fans siya na sinusuportahan ang bawat trabaho niya.

Kinailangang niya lang bitiwan ang pagdidirehe ng Widows’ War para mag-focus sa pagdidirek ng Green Bones.