Umasa ang isang female host na kahit wala na siyang programa eh mabibigyan pa siya ng sorpresa ng mga naging kasama at boss niya para sa importanteng event sa buhay niya.
Waiting, waiting, waiting ang eksena ni female host sa surprise sa kanya!
Pero inabot na ng madaling-araw ang event sa buhay niya at konti na lang sila sa venue, nanatiling nganga sa paghihintay si female host!
Hindi inakala ng female host na balewala pala ang kanyang pinagserbisyo sa isang show na naging bahagi na rin ng buhay niya!
Naku, unkind talaga ang showbiz! Importante lang ang isang tao kapag may pakinabang sa’yo, ‘no.
Buhay ni Vilma, pagsasama-samahin sa libro
Tatlong libro ang gagawin ng professors sa University of Sto. Tomas para kay Vilma Santos-Recto.
Kaya naman todo-kalap na sila ng documents, write-ups, features at iba pa na isasama nila sa libro.
Sa kasalukuyan, isang retrospective ng iconic films ni Ate Vi ang ginagawa sa UST Frassati Auditorium kung saan ipinalabas last Wednesday ang restored movie niyang Dekada ‘70.
After ng film showing, nagkaroon ng talkback si Ate Vi with the UST students at media.
Kaugnay ito ng event na Vilma Santos: Woman, Artist, Icon (The Vilma Santos Restrospective). Ilan sa iconic movies ni Ate Vi na ipalalabas sa susunod na linggo ay ang Ekstra at Tagos ng Dugo.