Wicked, Conclave, at Highlight, binigyan ng ‘PG’

Inilabas na ng Movie and Television Review and Classification Board (MTRCB) ang klasipikasyon ng mga pelikulang ipalalabas sa linggong ito.

Rated PG (Patnubay at Gabay ng Magulang) ang Wicked, na halaw sa isang musikal at pinagbibidahan nina pop icon Ariana Grande at Cynthia Erivo.

Sa PG, kailangang kasama ng mga magulang o nakatatanda ang edad 12 at pababa sa loob ng sinehan.

Rated PG din ang Conclave, na sumentro sa moralidad at pulitika sa loob ng simbahang Katolika, at Highlight, na hango sa konsert ng kilalang Korean band na Highlight.

Ang Kang Mak mula sa Indonesia ay hango sa Thai horror comedy na Pee Mak, ay Rated R-13 (Restricted-13).

Ibig sabihin, edad 13 at pataas lamang ang pwedeng manood ayon sa desisyon nina BMs Jerry Talavera, Juan Revilla, at Frances Hellene Abella.