Gilusad sa kanhi “Idol Philippines” season 2 contestant nga si Ann Raniel ang iyang unang Christmas single nga “Paano Ngayong Pasko” ubos sa StarPop.
Una kini nga gikanta ni Ruiz Gomez nga nagsaysay sa sakripisyo sa mga tawo nga layo sa ilang pamilya panahon sa Pasko. Gisulat kini ni Perry Lansigan ug giprodyus ni StarPop label head Roque “Rox” Santos.
Nailhan ang singer sa dihang nisalmot siya sa "Idol PH" season 2 ug nalakip sa Top 5 finalists. Nahimout kaniya ang mga hurado ug audience sa iyang performance sa “Orange Colored Sky,” “Till My Heartaches End,” ug “The Power.”
Sa niaging tuig, gilusad ni Ann Raniel ang iyang debut single nga “Bakit Ka Bumitaw” nga nag-una sa Spotify Philippines Fresh Finds playlist. Kabahin usab siya sa Philpop Himig Handong kauban sila Geca Morales ug Lyka Estrella alang sa awit nga "Langit Lupa."
Ang "Paano Ngayong Pasko" kay madungog sa nagkalain-laing digital streaming platforms. — Sanden J. Anadia