Chelsea napili isip Miss Universe Asia

CEBU, Philippines — Kutob ra sa Top 30 ang kapalaran  sa pambato sa Pilipinas sa Miss Universe nga si Chelsea  Manalo nga gipahigayon kagahapon didto sa  Mexico City Arena.

Hinoun nakaangkon og special nga pasidungog si Chelsea, ug siya ang gianunsyo nga labing una nga  Miss Universe Asia.

Si Victoria Theilvig sa Denmark  maoy gikoronahan isip Miss Universe 2024.

Ang ubang mga mananaog kay sila si  Chidimma Adetshina sa  Nigeria (first runner-up) Maria Fernanda Beltran Figueroa sa Mexico ( second runner-up) Opal Suchata Chuangsri sa  Thailand (third runner-up) ug  Ileana Marquez Pedroza  sa Venezuela (fourth runner-up). Sila si Mario Lopez ug Miss Universe 2012 Olivia Culpo ang hosts   ika-73rd edition sa  Miss Universe, samtang sila si Miss Universe 2018 Catriona Gray ug ang American actress nga si Zuri Hall maoy  backstage correspondents.

Mark Anthony miangkon sa video scandal

Miangkon si Mark Anthony Fernandez nga siya ang lalaking naa  sa video scandal nga nikatap niadtong  Hulyo.

Suma pa sa  aktor nga duna siya'y mga  higala nga  ni-hack sa iyang  cellphone ug gikatag ang video.

“Sorry sa ibang mga wholesome. Pasensiya na, ha, saysay pa ni Mark sa interview niini ni Julius Babao.

Nagkanayon ang aktor nga  samtang nitambong siya og party, nakabukas ang iyang cellphone ug dunay nanghilabot niini.

“Ayun, dun po nag-umpisa yung leakage," matud pa sa aktor.

Matud pa niya nga karaan na kaayo ang maong video.

“Lumang-lumang video na siya. Adventure namin nung GF ko nung time na 'yon... So, ‘yon… ganon po yung nangyari, medyo naging ano po siya R-19, R-18 po," dugang pa niya.

Misuporta sa higala

Todo suporta si  Dominic Roque sa  pelikula nila ni  Kathryn Bernardo ug  Alden Richards' nga  "Hello, Love, Again".   Nitikang gyud ang aktor sa special screening sa maong pelikula sa niaging gabii. Nasayran nga soud    kaayo nga higala ni Dominic si Kathryn. "Congratulations Brooo. I'm proud of you," mensahe pa ni Dominic ngadto kang Kathryn.

Budget sa MTRCB giaprobahan

Mapasa-lamaton ang  Movie and Television Review and Classification Board (MTRCB) nga gipangulohan ni Lala Sotto-Antonio ngadto sa  mga senador  gumikan kay naaprobahan ang   PHP164 million budget sa ahensya alang sa  2025.Wala'y bisan usa ka senador ang nibabag sa budget proposal sa MTRCB.

Mahupas ra gyud

Wala nabalaka si Enrique Gil kun pananglitan  mahupas ang iyang popularidad.

Matud pa sa aktor nga wala magtuyok ang iyang kalibotan sa pagka-artista. Aminado si Enrique nga dili sa tanang panahon nga magpabilin siya nga artista.  

Nagpaluyo sa pirata patagmon

Mohimo og legal nga  lakang  ang mga nagdumala sa  "Hello, Love, Again" batok sa mga namirata sa maong pelikula  nga gibidahan nila ni  Kathryn Bernardo ug  Alden Richards.

Suma pa sa Star Cinema nga gidili gyud ang bisan unsa nga matang sa  pirata ug ila gyud nga ipatangtang ang illegal copies ug downloads niini.

Ang masakpan nga nibuhat sa maong salaod kay mapriso og  9 ka tuig o makamulta og  P1.5 million.

Nasayran nga sa tulo palang ka adlaw nga pagpasalida niini sa mga sinehan, nikita na kini og P245 million.