Hindi mabitawan na pag-ibig ang ibinahagi ng singer-songwriter na si JEL REY sa kanyang bagong awitin na Bumabalik Pa Rin.
Sa alternative indie-pop na awitin, ikinuwento ni JEL REY ang hirap ng pag-move on mula sa lumipas na relasyon. Isinulat at iprinodyus niya ito kasama sina Edsel De Guzman ng bandang Drive of Daydreams at StarPop label head Roque “Rox” Santos.
Nagsimula ang musical journey ni JEL REY nang ilunsad niya ang debut single na hele pono noong nakaraang taon na umani ng nominasyon para sa Best Performance by a New Solo Artist sa 37th Awit Awards.
Kasunod nito, inilabas niya ang mini album na TERAPEWTIKA tampok ang mga awitin tulad ng Nasa Alapaap Ang Paraluman at Tayo (ating istorya). Nitong Setyembre, nagbalik-musika si JEL REY sa single na Naiilang na inalay niya para sa mga matalik na kaibigan.
Inilarawan ng StarPop artist ang kanyang pagsusulat ng musika bilang adventurous na umiikot sa iba’t ibang genre tulad ng rock, hip hop, pop, at soul. Active rin siya sa TikTok kung saan ibinabahagi niya ang kanyang musika at songwriting process.
Napapakinggan ang bagong awitin ni JEL REY na Bumabalik Pa Rin sa iba’t ibang digital streaming platforms. Para sa ibang detalye, sundan ang StarPop sa Facebook, X (Twitter), at TikTok.
Aice, may pa-kotse sa popsicle
Masayang inanunsyo ng Aice Ice Cream ang latest campaign nitong Aice on the Prize, na nagsimula mula October hanggang Dec. 31, 2024.
Ito ay nag-aanyaya sa ice cream lovers na magpakasawa sa masarap na Chocolate Crispy ng Aice at habang may pagkakataon ding manalo ng mga kamang-manghang papremyo!
Sa bawat masarap na kagat ng Chocolate Crispy, maaari mong matuklasan na ang popsicle stick mo ang susi sa incredible rewards. Maaaring manalo ng isa sa tatlong stylish na Toyota Avanza 1.3 CVT E Variants, isa sa 150 Honor X9B Smartphones, o instant cash sa halagang P10,000 GCash credits –lahat ng ito ay abot-kamay! Pati rin ang higit sa 4,500,000 instant winners (walang draw) ay magkakaroon ng pagkakataong manalo ng P10 at P300. Maaaring manalo ng GCash credits araw-araw sa buong promo duration period.
Para sumali, bumili lamang ng Chocolate Crispy mula sa participating sari-sari store at hanapin ang natatanging 9-digit alphanumeric code na nakatago sa popsicle stick. At bisitahin lamang ang official Aice Ice Cream Philippines Facebook page at pindutin ang message button. I-enter ang iyong lucky code at hayaan ang aming friendly Messenger Chatbot na gabayan ka sa iba pang hakbang. Ihanda lamang ang iyong buong pangalan, address, birthday, contact number, at mga detalye ng lokasyon.
Maaalalang ang Aice ang isa sa nagbigay ng P2 million kay Carlos Yulo matapos itong manalo ng dalawang medalyang ginto sa Paris Olympics para sa gymnastics.