NKKLK ang pag-he said/she said sa kaso ni Rita Daniela kay Archie Alemania. Nakahanap na raw ng abogado si Archie at magsu-submit na ng counter affidavit na ang basic na mga tanong: kung hindi siya pinagkakatiwalaan ni Rita, bakit sa kanya raw nagsumbong na feeling pinagkakaisahan at out-of-place siya sa grupo nila sa Widows’ War, at bakit sa kanya pa nagpahatid hanggang bahay niya kung may red flag red flag na?
Totoo bang kinausap din si Archie ng bagong feeling lawyer to the stars na si Atty. Maggie Garduque bago ito nagsampa ng kaso laban sa kanya? Bakit?
HLA, masusubukan na sa takilya
Showing na ngayon ang pinakaaabangan na Hello, Love, Again nina Kathryn Bernardo at Alden Richards!
Gaano kaya karaming tao ang manonood nito sa sinehan?
Malampasan kaya nito ang record ng Hello, Love, Goodbye na number 2 sa all-time-box office hit sa Pilipinas?
O mahigitan pa kaya nito ang record ng Rewind bilang biggest earning Filipino film of all time?
Abangan natin iyan! Anuman ang resulta, malaking tulong at boost ito sa pelikulang Pilipino!
Movie ni John Lloyd, homophobic ang writer
Shocked pero nagalingan sa mga actor ang karamihan sa nanood ng Moneyslapper na in fairness ay pinipilahan ngayon sa QCinema.
May matinding comment lang ang ibang manonood. “Bakit may disgusting scene na very anti-gay? Imagine, kinatay niya ng parang baboy ‘yung gay beauty parlor owner without any motivation? Revolting!!! Bakit napakahomophobic ng writer at director nito?”
Station ID, usp na ang product placement
Lumabas na Christmas Station ID ng Kapuso network may temang pasasalamat.
Medyo kailangan pa ng mas melodious na recall ang kanta pero masaya at star-studded naman ang kinalabasan.
Ang tanong, kalakaran na ba talaga ang ads at product placements sa mga Station IDs.
In fairness, nakikita rin ‘yan sa iba. Pagandahan na lang ng execution at finished product di ba?
Aabangan natin ang Christmas station ID ng TV5 at Kapatid network next week? At sa Kapamilya naman, parang may shoot sked pa sila this coming week.
Abangan natin kung gagawa rin ang Net25? AllTV at Bilyonaryo Network! Maligayang Pasko na talaga!
Nakakataquote:
“Wag kayong matakot umibig. ‘Pag nabigo, umibig uli. Hindi kayo tatanda pag umiibig!” – Direk Joel Lamangan of Huwag Mo ‘Kong Iwan