Pinagtatalunan ng netizens kung beso lang ba o talagang kiss ang ginawa nina Sue Ramirez at Dominic Roque habang sila ay nasa Siargao. Medyo blurred ang kuha, hindi masyadong malinaw kung saan nag-landing ang kiss ni Dominic.
Ilang beses naming pinanood ang reels video at ang nakita namin, sa kaliwang pisngi ni Sue tumama ang halik ni Dominic, hindi sa lips. Pero ang netizens, ini-insist na nag-kiss ang dalawa at may nagtanong pa nga kung break na sina Sue at Mayor Javi Benitez.
May nagbiro naman at tinanong si Bea Alonzo kung okay lang siya sa nag-viral na beso nina Dominic at Sue. Matagal na ring break sina Bea at Dominic at kahit nabalitang maraming suitors si Bea, as of now, “single” ang status nito.
Inaabangan na ang mga pahayag nina Sue at Dominic sa nag-trending nilang kiss sa isang resto sa Siargao.
May iba namang nag-assume na pang-kontra ang glam post ni Bea sa nasabing halikan video nila. Nag-post nga si Bea ng photos niya na sabi pa ng ibang followers niya ay kamukha siya ni Pia Wurtzbach.
Heart, ilalantad ang mga nanakit sa kanyang puso
Mag-name names kaya si Heart Evangelista sa episode mamaya ng Heart World at pangalan na ang mga taong nanakit at nakasakit sa kanyang puso at damdamin? Ang episode this Saturday ay tungkol sa friendship, trust, unconditional love at betrayal at nabanggit pa ni Heart kay Nelson Canlas na maraming tanong ang kanyang sasagutin.
“Definitely a deeper dive into friendship, marriage problems, and a lot more. Yes, even health scares, we’re gonna tackle a lot. So, it gets- the plot gets thicker and thicker, that’s why minsan ‘pag kunwari kinukuwestyon niyo ang buhay mo, at least alam niyo ‘pag may mga problema, mayroon ‘yang kasamang lessons and blessings,” sabi ni Heart.
Kaya nga waiting ang viewers kung may mga babanggiting pangalan si Heart ng mga taong naging close sa kanya before na tuwing mapag-uusapan ay naiiyak siya.
Dagdag pa ni Heart, “Nakaka-stress siya. Actually, dalawang beses ko na siyang pinanood,” na ang tinukoy ay ang episode na lalabas this Saturday.
Maria Clara…, nasa Hawaii na!
Ipalalabas sa Hawaii, sa Kiku Channel ang hit historical series ng GMA Network ang historical portal fantasy series na Maria Clara at Ibarra. Simula sa Nov. 16, ng series na pinagbidahan nina Dennis Trillo, Julie Anne San Jose, David Licauco, at Barbie Forteza.
Maraming Pinoy sa Hawaii at tiyak na magugustuhan nila ang Maria Clara at Ibarra, lalo na ‘yung mga senior at alam ang story nina Maria Clara at Ibarra.
May nag-comment na sana makapunta sa Hawaii ang mga bida ng series para makita sila nang personal, lalo na ng mga kababayan natin na matagal nang hindi nakakauwi ng Pilipinas.