Bigating performers, presenters aabangan sa MYX Music Awards 2024
Magpapasiklab ang mga grupong BGYO, Nameless Kids, at Over October at sina Demi, Denise Julia, Maki, at TJ Monterde bilang performers sa MYX Music Awards 2024 na gaganapin sa Nobyembre 21 (Huwebes).
Makakasama rin nila sa natatanging musical celebration ang award presenters tulad nina BINI Jhoanna at Maloi, Chloe San Jose, Elijah Canlas, Gloc-9, at marami pang iba.
Mapapanood ang MYX Music Awards nang live ng Super Kapamilya members sa ABS-CBN Entertainment YouTube channel, 6:30pm.
Maaari pang bumoto ang fans para magwagi ang kanilang mga bet sa iba’t ibang kategorya sa myx.global hanggang Nobyembre 10 (Linggo).
Samantala, ipapakilala na ang top 12 finalists ng MYX VJ Search 2024 ngayong araw (Nobyembre 4) habang iaanunsyo naman ang grand winner nito sa MYX Music Awards. Magkakaroon ng public voting para sa top 12 finalists simula Nobyembre 11 hanggang 16.
Abangan ang MYX Music Awards 2024 livestream ngayong Nob. 21, 6:30pm sa ABS-CBN Entertainment YouTube channel para sa Super Kapamilya members.
- Latest
