Marian, bigay todo sa pagbirit
TODO-BIGAY sa pagbirit si Marian Rivera sa video na kumakanta sa Halloween party na ibinigay nila ng asawang Dingdong Dantes sa piling kaibigan sa showbiz – Bianca Umali, Kyline Alcantara, Julie Anne San Jose, at iba pa sa kanilang bahay!
Eh nang mag-pan ang camera, ipinakitang si Julie Anne ang kumakanta at sinasabayan siya ni Yan, huh!
May pabatu-bato pa ng wireless mic si Marian habang binabanatan ang kantang All By Myself at palakpakan naman ang mga bisita nila.
Naku, likas na komedyante itong si Marian mula pa noon. Eh nakapag-record na rin siya ng kantang Sabay Sabay Tayo na naging platinum yata, huh!
Nag-iisa lang talaga si Marian Rivera sa showbiz!
Kiefer at Diana, mabilis ang relasyon
Ambilis ng pangyayari sa PBB housemate at beauty contestant na si Diana Mackey at basketball player na si Kiefer Ravena.
Wala pang dalawang linggo na inilabas ng dalawa na may relasyon sila, aba, heto at nasundan agad ng kanilang engagement, huh!
Ano kaya ang mayroon kay Diana na wala sa volleyball superstar na si Alyssa Valdez at engaged agad sina Kiefer at Diana?
- Latest
