Ellen at Derek, sunud-sunod ang patikim sa baby girl!

Malapit na siguro ang face reveal ng baby girl nina Ellen Adarna at Derek Ramsay dahil may pasilip na sila sa kanilang baby girl. Pinost ni Ellen ang ilang photos ng baby nila sa photo shoot ni baby sa Cocoon Studio.

Hindi pa ipinakita ang mukha ng baby at sa isa ngang photo, left cheek at left ear lang nito ang naka-post. Sa isa pang photo, buong katawan ng baby na nakabalot, minus the whole face. Ang makikita lang ay ang part ng lips at left cheek.

Ang sweet ng comment ni Derek sa photo post ng kanilang baby girl na “I love you!”

Katuwa ang netizens, excited na silang makita ang mukha ng baby at sa ipinasilip pa lang na photos ni Ellen, alam na nilang mestisa ito at maputi, mana raw sa ina. May naniguro namang very pretty ang prinsesa ng mga Ramsay dahil may dugong British ang dad ni Derek.

Claudine, tinawag na clout chaser!

Naba-bash si Claudine Barretto dahil sa pagpo-post ng screenshot ni Rita Daniela na nakausap niya through video call. May nag-akusa pa sa kanyang sinira ang trust ni Rita by posting the screenshot. May tumawag pa sa kanyang clout chaser at para sa content ang pagpo-post niya ng screenshot.

May nagsabi pang siya ang nag-reach out kay Rita para sila ay magkausap at nag-open ito sa kanya. Pero sa isang sagot ni Claudine sa nagsabing sana hindi na niya pinost ang picture ni Rita, “For her to confide in me ibig sabihin d sya nahihiya.” Ibig sabihin, si Rita ang nag-reach out sa kanya at pag-usapan ang nangyari sa kanya.

May nabanggit naman ang isang netizen na sa mga artista, si Claudine lang ang nagpahayag ng suporta publicly kay Rita. Hinahanap nila ang mga kaibigan ng Kapuso singer na for sure, tumawag o nag-message sa kanya para makisimpatiya.

On the other hand, naiintindihan ng ibang netizens kung tahimik ang karamihan sa mga kaibigan ng nag-akusa o hindi ginawang in public ang pagpapahayag ng suporta.

Anyway, inaabangan na ng viewers ang pagbabalik ng karakter ni Rita na si Rebecca sa Widows’ War. Kailangan na raw magbalik ang kanyang karakter dahil may malaking rebelasyon na mangyayari sa pagkaka-reveal na baka ang karakter ni Mike Tan ay ang boyfriend ni Rebecca na si Tonio.

Ang theory ng viewers, naiba lang ang hitsura ng karakter ni Mike dahil nagparetoke.