Japanese superstar Ado, babalik!

Inanunsyo ng Crunchyroll, ang global brand para sa anime, na ang iconic na Japanese vocalist na si Ado ay sisimulan na ang kanyang ikalawang world tour na Ado WORLD TOUR 2025 Hibana Powered by Crunchyroll, na aabutin ang kanyang mas maraming tagahanga sa buong mundo sa susunod na taon.

Inaasahang ang Ado WORLD TOUR 2025 Hibana Powered by Crunchyroll ang magiging isa sa pinakamalaking world tours na inorganisa ng isang Japanese artist, bilang isang malakas na follow-up sa kanyang first-ever, sold-out world tour ngayong taon na Wish.

Magsisimula sa Tokyo’s iconic Saitama Super Arena sa susunod na buwan ng Abril, bubuhayin ni Ado ang mahigit 30 lungsod sa buong mundo bago ito tapusin sa Honolulu, Hawaii sa susunod na buwan ng Agusto.

Kilala sa kanyang masiglang boses at misteryosong pagkakakilanlan, nabihag ni Ado ang puso ng mga nasa Japan at pati na rin sa buong mundo. Maririnig ang boses niya sa mga soundtrack ng SPY x FAMILY at ONE PIECE FILM: RED, kung saan ang New Genesis, ang title track ng pelikula, ay nanguna sa Billboard Japan Hot 100 chart at Apple Music’s Top 100: Global Chart.

Isang special presale para sa Crunchyroll fans ang magbubukas sa Nov. 19, Tuesday. Ang presale code ay magiging available sa Crunchyroll News, habang ang general onsale para sa lahat ng merkado ay sa Nov. 22. Makikita ang mga karagdagang detalye sa ticket sales, kabilang na ang detalye sa presale timing para sa bawat available market sa official tour website na https://sp.universal-music.co.jp/ado/hibana/.