Aktres, kinarma sa endorsement

What goes around, comes around!

Nangyari ‘yan sa isang aktres na nung sumikat sa TV at sa movies, may nag-offer sa kanya through her manager ng endorsement mula sa isang global food chain.

Nagpresyo ng malaking bayad si aktres. Hindi kinaya ng endorser. Eh di huwag ang ipinasabi ng aktres through her manager.

Fast forward. Biglang tumamlay ang career ng aktres dahil sa naghangad ng international fame. Pero hindi siya kinagat kaya ngayon eh parang missing in action siya locally and globally.

Biglang may dumating na offer muli at sa dating global brand na nag-offer sa kanya. Nagpresyo muli ang aktres.

Pero hindi kumagat ang namamahala sa brand. Kung ano ang offer na presyo, ‘yun lang ang kaya nila at kung ayaw niya, huwag na lang!

Napahiya si aktres. Kinarma sa ginawa niya noon na pagtanggi sa produkto dahil sa malaking presyo! Hindi na lang niya tinanggap ang offer!

Marian, reyna ng mga collector

Waging-wagi ang pagiging collector ni Marian Rivera ng Labubu dahil ginawa siyang endoser ng Popmart_PH.

Guest si Marian sa grand opening dito ng Popmart Philipines.

Mula nang simulan ang koleksyon, dumami na ang Labubu ni Yan na ginagawa niya ring accessory sa mga dalang bag.

Nang sunud-sunod ang unboxing ni Yan, maraming celebrities ang naengganyong kumolek­ta rin ng Labubu at isa na rito si Nadine Samonte na ginawan pa sila ng intriga ni Marian, huh!