Pundok sa Cebuano Filmmakers gilusad

CEBU, Philippines — Usa ka bag-ong pundok sa mga artista, mga magsusulat ug mga direktor sa Sugbo ang gimugna beteranong filmmaker nga si  Sam Costanilla.

Ang maong pundok kay gitawag og  Cebuano Filmmakers Network Sugboanong Lilas (CFNSL)  ug gisasay ni Costanilla nga naumol  kini aron ang  tanang talents sa Sugbo magkahiusa  sa  usa ka tumong nga mao ang pagpalambo sa industriya sa Sugboanong lilas.

Mapasigarbohon usab niya nga  gipahibalo  nga sa pagka -karon, ang CFNSL aduna nay 54 ka sakop nga mohimo sa ilang labing unang tapoktapok karong  Dominggo, Nobiyembre 3, 2024 ,dungan usab sa pagpili sa mahimong opisyales niini.