CEBU, Philippines — Nipasaka ang aktres nga si Rita Daniel og reklamo nga act of lasciviousness batok sa aktor nga si Archie Alemania sa niaging adlaw didto sa Office of the City Prosecutor sa Bacoor City.
Sa iyang affidavit , dunay gibuhat si Archie nga dili makiangayon partikular na sa paghalok ug paghikap kaniya nga walay pagtugot .
“That being a public figure, a contractual artist with reputation to protect, it is very difficult for me to file the instant case but the trauma I was and am experiencing brought about by the incident gave me courage to face the consequences and file the instant case against the respondent,” suma pa ni Rita.
Nagkanayon ang aktres nga nahitabo kini pagkahuman sa usa ka thanksgiving party niadtong Septiyembre . Atol sa party, aduna na’y mga linihokan nga dili maayo si Archie ug giingong hubog kini .
"So doon pa lang na-offend na si Rita. She felt uncomfortable already but she did not confront Archie during that time kasi ang dating sa kanya he did not mean it. Lasing lang. Nagbibiro lang," matud pa sa abogada ni Rita nga si Atty. Maggie Abraham-Garduque atol sa interview niini sa "24 Oras" .
Pagkahuman sa party, samtang naghuwat si Daniela og sakyanan pinaagi sa ride-hailing app. , gihunongan siya ni Archie sa atubangan nga nagsakay og puti nga van ug nitanyag kaniya nga ihatod sa lugar nga iyang gipuy-an. Nibalibad si Rita pag-una , apan nisugot ra pud human nihangyo si Archie nga ihatod gyud siya.
Samtang padulong siya mouli, gibutang ni Archie ang kamot niini sa iyang abaga ug iya kining gibadlong.
"Nagsabi na siya noon na, 'Kuya huwag, kuya kita,' kasi nga Rita is treating Archie as elder brother," dugang pa ni Atty. Garduque .
Pag-abot sa lugar ni Rita, kalit lang nga gibunlot ni Archie ang kamot sa aktres nga padulong na unta monaog sa sakyanan ug nihangyo kini nga mohalok kaniya.
Giingnan kini sa aktres nga mouli na ug gipahimagnoan kini nga kaila siya sa asawa niini.
Bisan paman sa pagbalibad ni Rita, gihagkan gihapon siya ni Archie ug dili basta-basta ang kalisod nga iyang giagian sa wala pa niya hingpit nga matukmod ang aktor.
Puwerting hilaka ni Rita ug gigamit niya ang tanang kusog aron lang gyud makagawas sa sakyanan ni Archie.
"She was forced and he was kissed by Archie that time and then there was also touching that happened. 'Yung mga maseselan na bahagi ng katawan niya like breast has also been touched that time," dugang pa sa abogada aktres.
Pagkahuman sa hitabo, nagpadala og mensahe nsi Rita ngadto kang Archie ug nipadayag kini nga wala siya nahimout sa nahitabo ug dili makatawhanon ang gibuhat niini ngadto kaniya.
Giingong nangayo og pasaylo si Archie ngadto kang Rita apan tibuok na ang hukom sa aktres sa pagpasaka og reklamo batok sa aktor.
Sa pagsuwat niining balitaa, wala pa mohatag og komento si Archie kalabot sa reklamo ni Rita.
Nipadangat usab og statement ang Sparkle GMA Artist Center kalabot sa maong hitabo.
"We have listened to both sides of the story over the past weeks. We believe this matter should be addressed in the proper forum, and we encourage both parties to engage in dialogue to resolve this issue fairly. We remain dedicated to supporting our artists and ensuring their well-being. We trust that this process will lead to a constructive resolution,” statement sa maong talent agency.