Darryl Yap, gagawin ang pelikulang rapists...
May bagong project na gagawin si Direk Darryl Yap?
Saang movie outfit kaya niya gagawin ito at bakit?
Ang sabi ni Darryl sa kanyang post:
“Ang aking kababayan na si Pepsi Paloma, Olongapeña, Artista, Biktima.
“Sa darating na 2025,
“bago sumapit ang ika-40 anibersayo ng kanyang kontrobersyal na pagpapati--ka-.
“Kilalanin natin ang Anino, ang Multo,
“ang Alingasgas ng kanyang Pagkatao.
“Ang Aking ika-17 Pelikula:
“The Rapists Of Pepsi Paloma”
Bakit kaya?
John Lloyd, pang-R-18 na!
Nakakatuwa ang pagkakasali ng pelikulang Moneyslapper sa QCinema ngayong taong ito starring John Lloyd Cruz at his boldest!
Naka-R-18 ito sa MTRCB pero ok lang sa filmmakers – basta mapanood ito ng mas maraming tao na puwedeng maapektuhan ng pelikulang ito.
Tatangkilikin kaya ito ng fans na nasanay kay Lloydie sa hit romcoms niya? Sana! Eh sa supporters ni Lloydie sa mga indie niya? Mas lalong dapat!
Directed by Bor Ocampo, isa ito sa mga pelikulang aabangan sa darating na QCinema! Magtuluy-tuloy na kaya si Lloydie sa paggawa ng pelikula after this? Sana!
Arnel, ‘di lalayasan ang journey!
So, nagdesisyon si Arnel Pineda na manatili sa The Journey? Mabuti naman! Grabe lang naman kasi ang bashers na akala mo eh kagagaling at kape-perfect na puwedeng pumalit kay Arnel sa pagkanta.
Lesson learned din ito kay Arnel. Na there will be not-so-good-days sa pagpe-perform, pero huwag na huwag papa-trigger sa audience reaksyon, at huwag ilalagay ang desisyon sa career at sa buhay sa comments ng followers, moreso bashers, ‘di ba naman?
Lutong… ni Mikee, ‘di pa napansin
Nasaan na ang audience ni Mikee Quintos? Or hindi ba hilaw itong pagbibida niya sa isang show? Hindi ba kaya ng GMA na gumastos para sa isang mas establisadong personality dahil sa pagtitipid nila ay ganito lang ang kinalalabasan.
Sana mag-improve pa ang rating ng Lutong Bahay, umpisa pa lang naman.
Nakakataquote:
“Sa buong produksyon, artista dapat ang hinde nagrereklamo… Kasi artista ang may pinakamalalaking suweldo. May aircon tent ka, may glam team ka, may maayos kang pagkain, may call time ka, may cut-off time ka. Ang crew at production walang ganun nagreklamo ba sila?” – Judy Ann Santos-Agoncillo
- Latest
