CEBU, Philippines — Gianunsyo kagahapon sa sa girl group nga BINI nga modonar sila og P1 million aron itabang sa mga naapektohan sa Bagyong Kristine .
Ang tinubdan sa maong kantidad kay nagikan sa kita sa umaabot nila nga BINIverse concert sa Araneta Coliseum karong Nobyembre.
Nasayran nga nisalmot ang BINI sa gihimong telethon sa ABS-CBN nga nanawagan sa katawhan nga motabang sa mga naapektohan sa bagyo.
Naglangkob sa grupong BINI kay sila si Aiah, Colet, Maloi, Gwen, Stacey, Mikha, Jhoanna,ug Sheena.
Pageant items ni Pia gipa-auction
Gipa-auction ni Miss Universe 2015 Pia Wurtzbach ang pipila ka items nga nahimong kabahin sa iyang pagsalmot og mga indigay kaniadto.
Ang matigom niya nga pundo kay iyang itunol ngadto sa iyang advocacy group.
Lakip na niini ang iyang silver dress nga iyang gisul-ob sa dihang nadala siya sa Top 15 sa Miss Universe 2015, ingon man usab ang iyang sashes gikan sa national pageant hangtod sa Miss Universe.
Pagsinabtanay
Dul-an na sa pito ka tuig ang relasyon nila ni Bianca Umali ug Ruru Madrid. Dili motoo si Bianca sa panglantaw sa ubang tawo nga magtakilid ang usa ka relasyon kun motungtong na kini og pito ka tuig. Matud pa niya ang nga kapalaran sa usa ka relasyon kay nagdepende ra gyud sa paghupot niini. Suma pa ni Bianca nga usa sa mga rason nga nagpabiling lig-ong ang relasyon nila ni Ruru mao ang pagsinabtanay.
“Rising Multimedia Teenstar”
Gihinganlan sa Viva Artist Agency og “Rising Multimedia Teenstar” ang aktres nga si Xia Vigor. Aminado si Xia nga daghan pa siya og mga agian aron mapamatud-an ang titulo nga gihatag kaniya. Usa ang aktres sa mga bitoon sa horror film nga “Nanay, Tatay”. “For me, to really gain that title, alam ko pong marami pa talaga akong kailangan i-prove o gawin.Pero I am really happy po na parang binibigyan ako ng ganoong klase ng title, but I wouldn’t say na it’s really a title yet,” matud pa ni Xia.
Tambag ni mama
Gitambagan nila nil Sunshine Cruz ug Ina Raymundo ang ilang mga anak nga babaye nga kinahanglan nga kahibalo gyud mosusi sa pagkatawo sa mga nanguyab kanila.
Matud pa ni Ina nga kinahanglan nga “|play hard to get “. Samtang si Sunshine nipadayag nga labing maayo nga mobisita gyud sa panimalay aron maklaro gyud ang tinud-anay nga intensyon niini.
Mga Sugbuanon todo suporta kang Kai ug Rain
Karong gabii na mahibaw-an kun kinsa ang mahimong Big Winner sa "Pinoy Big Brother Gen 11" Todo kampanya ang mga Sugbuanon ngadto sa duha mga pambato sa Sugbo alang sa PBB Gen 11 nga sila si Kai ug Rain.
Nasayran nga nakasulod ang duha sa Top 4 kauban sila si Fyang ug Kollette.
Ang "The Final Stage at the Big Night" kay sugdan sa alas 8:30. Ang big winner kay makaangkon og brand new house and lot, trip package sa Korea ug P1 million. Samtang magtapok usab karong gabii ang mga taga Guadalupe partikular na diha sa ilang barangay hall aron motan-aw sa live streaming sa big night ,ingon man usab ang pagpakita sa mainiton nila nga pasuporta kang Kai .
Nasayran nga taga Brgy. Guadalupe si Kai busa todo abiba kaniya ang mga nagpuyo sa maong dapit.
Donny mitabang sa relief operation
Lakip ang ang Kapamilya actor nga si Donny Pangilinan sa nangarga og relief goods paingon sa buhatan sa Angat Buhay aron itabang sa mga naapektohan sa Bagyong Kritine ilabi na didto sa Bicol Region.
“Heartfelt thanks to Donny Pangilinan for personally delivering relief goods at the Angat Buhay office. Maraming salamat sa walang sawang pakikipagbayanihan, Donny,” Facebook post sa Angat Buhay.
Dili na bag-o sa aktor ang maong butang, usa pud si Donny sa mga nitabang sa relief operation alang sa mga naapektohan sa Bagyong Carina niadtong Hulyo.