CEBU, Philippines — Gidayeg og maayo ni Michelle Dee ang pambato sa Pilipinas sa Miss Grand International nga si CJ Opiaza gumikan sa hugyaw nga pagpaso niini sa preliminary swimsuit portion sa maong indigay.
Sa iyang Instagram broadcast channel, nikomento ang beauty queen sa performance ni CJ nga nagkanayon, “CJ killed it.”
Tungod sa hugyaw nga pagpaso ni CJ , nalakip kini sa Top 20 Best in Swimsuit.
Ang coronation night sa Miss Grand International kay mahitabo ugma , Oktubre 25, didto sa Bangkok, Thailand.
Listahan sa MMFF entries kompleto na!
Kompleto na ang listahan alang sa 10 ka entries sa Metro Manila Film Festival (MMF) nga mahitabo karong Desiyembre.
Sa niaging adlaw, gianunsyo ang nahibiling lima ka mga pelikula nga pasok sa listahan ug kini naglangkob sa "My Future You" starring Francine Diaz ug Seth Fedelin; "Uninvited" starring Vilma Santos, Nadine Lustre, ug Aga Muhlach; "Topakk" starring Arjo Atayde ug Julia Montes; "Hold Me Close" starring Carlo Aquino ug Julia Barretto; ug "Espantaho" starring Judy Ann Santos ug Lorna Tolentino.
Kahinumdoman nga gianunsyo niadtong Hulyo ang first batch o unang lima ka entries sa MMFF 2024 nga gilangkoban sa "Green Bones," nila ni Dennis Trillo, Ruru Madrid, ug Sofia Pablo; "The Breadwinner Is" nila ni Vice Ganda ug Eugene Domingo; "Strange Frequencies: Haunted Hospital" nila ni Jane de Leon ug Enrique Gil; "Himala Isang Musikal" nila ni Aicelle Santos ug Bituin Escalante; ug "The Kingdom" nila ni Vic Sotto ug Piolo Pascual.
Ang Filipino-American visual artist nga Jefrë maoy nagmugna sa commemorative trophy sa 50th MMFF.
Niabot ngadto sa 70 ka mga pelikula ang gi-review sa selection committee nga gihashasan ngadto sa Top 10.
Pasok sa "Huling Ngiti"
Adunay espesyal nga partisipasyon si Janella Salvador sa music video sa "Huling Ngiti", ang bag-ong awit sa iyang kanhi screen partner nga si Marlo Mortel. Ang maong music video kay i-release ugma, Oktubre 25. Kahinumdoman nga nagkatrabaho kaniadto sila si Janella ug Marlo sa teleseryeng "Be Careful With My Heart" ug "Oh My G!" . Nagkauban pud sila sa pelikulang "Haunted Mansion “ ug “ "Mano Po 7."
Kris mobalik sa showbiz
Gipahibalo ni Kris Aquino nga mobalik siya sa showbiz ug duna na siya’y giluto nga show nga makita sa dili pa mahuman ang 2024. Nasayran nga nahimamat niya sa niaging adlaw ang mga kanhi niya kaubanan sa programang Kris TV. Dili pa niya isulti ang konspeto sa iyang umaabot nga proyekto.
"The Untamed”
Gikatakdang i-ere sa ABS-CBN sugod karong Oktubre 28 ang sikat nga Chinese drama nga "The Untamed." Makita kini sa alas 10;15 sa gabii sa Kapamilya Channel, Jeepney TV, A2Z ug TV5. Ang maong drama series kay adaptation sa best-selling novel nga “Grandmaster of Demonic Cultivation” nga sinuwat sa Chinese author nga si Mo Xiang Tong Xiu. Gibitoonan kini ni Xiao Zhannga miyembro sa Chinese boy group nga X Nine.
Kasal ang padulngan
Gibutyag ni Gabbi Garcia nga ang pagpakasal gyud ang padulngan sa relasyon nila ni Khalil Ramos.
Matud pa sa aktres nga gisudlan nila ang usa ka seyosong relasyon busa susama nila nga gisubay ang mahimong kapalaran sa ilang panaghigugmaay,
“Oh yeah. It’s always the end goal for us. Parang what are we doing here if hindi naman yun ang end goal ’di ba? We’re just wasting our time,” saysay pa ni Gabbi sa interview niini sa “Fast Talk with Boy Abunda”.
Hinoun giklaro sa aktres nga wala sila magdali sa maong butang gumikan kay duna pa sila’y laing mga butang nga giatiman.
“So yeah, it’s always on the talks but as of now, we have so many things to do… We’re not in a hurry, but if it comes, then it comes,” dugang pa ni Gabbi.
Nagpungasi ang gibating kalipay
Nag-uros uros sa kalipay sila si Vic Sotto ug Piolo Pascual gumikan sa panag-uban nila sa pelikulang The Kingdom, ang official entry sa APT Entertainment, MZet Productions, ug MQuest Ventures sa 50th Metro Manila Film Festival (MMFF) .
Wala gyud kasabot si Piolo sa iyang gibati sa unang panag-abot nila ni Vic gumikan kay wala gyud niya damha nga maabot ang panahon nga makauban niya kini sa usa ka pelikula nga nalakip sa MMFF,
Gihulagway niya kini nga “dream come true “ ug gipasigarbo niya kini og maayo,
Giangkon ni Piolo nga hangtod karon, mura siya og gidamgo gumikan sa opportunidad nga nakatrabaho si Vic.
“Balota” gikagat sa katawhan
Nagmaya ang GMA Pictures ug GMA Entertainment Group gumikan kay padayon nga gilinyahan sa mga sinehan ang pelikulang “Balota” starring Kapuso Primetime Queen Marian Rivera .
Matud pa nga dunay screenings nga na-sold out sa niaging adlaw.
Giingong nahaom kaayo ang maong pelikula sa kasamtangang panahon ilabi na nga nagpadulong ang 2025 Midterm Elections.
“Ito talagang Balota, isang adbokasiya talaga siya kaya pinu-push talaga namin na mas maraming makapanood kasi wakeup call ito sa mga tao, higit lalo sa mga kabataan,” matud pa ni Marian.
Nasayran nga dunay special rate sa maong pelikula ang mga magtutudlo ug tinun-an .
“Bakit nga may special price ang ilang sinehan para sa estudyante at guro? Day 1 pa lang nandyan na ‘yan. Una po sa lahat, ano ba ang dahilan kung bakit namin ito ginawa? Hindi pare-pareho ang purpose ng mga pelikula. May pelikula na ang habol ay kumita ng hundreds of millions. Mayroong personal na pelikula. May pelikula na experimental. May pelikula na naglalayong makatulong sa lipunan. Ang Balota ay ginawa namin para makatulong sa lipunan. At naniniwala kami (na nasa movie rin) sa kakayahan ng mga guro at estudyante para humubog ng mas magandang bukas para sa Pilipinas. Kita rin sa reactions ng mga teacher na nakapanood na na-inspire sila at nakita nila ang sarili nila kay Teacher Emmy. Kaya nga halos triple ang nanood noong Sabado, nadadagdagan ang screening time at dumadami ang nanonood araw-araw.Ang pelikula ay mahalagang bahagi ng ating kultura at sining. Palawakin sana natin ang ating isip tungkol sa pag-appreciate nito,” saysay pa ni Marian.
Parokya ni Edgar na-stranded sa Sorsogon
Ang mga miyembro sa OPM band nga Parokya ni Edgar kay lakip sa mga na-stranded sa Sorsogon human nakanselar ang ilang flight gumikan sa Bagyong Kristine.
Nitikang ang maong banda sa Sorsogon alang sa usa ka kalingawan sa Kasanggayahan Festival.
“Stranded kami sa Sorsogon. Di kami maka-uwi. Canceled lahat ng flights. Delikado din daw mag-roadtrip,” suma pa sa ilang social media post.
Gipili sa grupo nga maligo nalang og ulan samtang naa pa sila’y oras sa pag-istar sa maong dapit.
“So naligo nalang kami sa ulan. Stay safe, everyone,” dugang pa nila.