Streetboys solid pa rin,hindi pinag-uusapan ang pera

Walang usapang pera kay Direk Chito Roño at sa binuo ­niyang all-male dance group na Streetboys!

Kaya naman mula nang buuin ni Direk Chito at SB, magkakasama pa rin sila lalo na ngayong magkakaroon ito ng dance reunion concert ngayong November 8, 2024 sa New Frontier Theater.

Ang title ng dance concert ay SB90s. Plinano nilang maging guest ang kasabayan nilang Sex Bomb Dancers at ang patok ngayong SB 19. Hindi nga lang sila pumuwede dahil sa previous schedule.

Present sa mediacon ang OG members na sina Vhong Navarro, Jhong Hilario, Meynard, Joseph, Michael. Uuwi ng bansa si Spencer Reyes na based na sa United Kingdom para sa concert.

Biro ni Vhong, “Kaya siguro ganito kami katatag kasi walang usapan padating sa pera mula noon hanggang ngayon. Alam naman namin ang hirap ni Boss (Chito) kaya sinuklian namin ng gusto niya and it paid off!”

Take note na after 31 years, ngayong lang natuloy ang dance reunion ng Streetboys. Pero gaya pa rin ng dati, never napag-usapan ang tungkol sa talent fee nila!

Saksi kami sa pagsisimula at growth ng Streeboys. Bahagi rin kami ng promotions nila nung buhay pa ang fan magazines!

Naku, buhayin ang katawang 90s sa reunion concert ng Streetboys at makihataw sa pinasikat nilang sayaw kasama ang bagong tugtugin na handa pa rin nilang sayawin na may kasamang tumbling!

Marian, pinuntahan lahat ng block screening

Umiral muli ang kasipagan ni Marian Rivera para sa promotions ng movie niyang Balota!

Aba, halos lahat yata ng nagpa-block screening ng movie ay kanyang pinuntahan, huh!

Ganyan katindi ang pagmamahal ni Yan sa kanyang trabaho. At ginawa niya ang movie kaya hindi naman nabale-wala ang pagod niya dahil malakas ito sa takilya at halos soldout parati ang screenings, huh!