Christine milangkat sa titulong Miss Grand Philippines 2024

CEBU, Philippines — Ang pambato sa Zambales nga si Christine Juliane Opiaza  maoy napili nga  Miss Grand Philippines 2024 ug gipahigayon ang  coronation night  sa Newport Performing Arts Theater niadtong Domingo.. Nakatigi ni Christine ang laing  19 ka mga kandidata gikan sa nagkalain-laing dapit sa nasud.

Si Jubilee Therese Acosta sa  Manila maoy first runner-up, samtang si Alexandra Mae Rosales sa Laguna ang napili nga  second runner-up.

Nakuha ni Anna Margaret Mercado (Quirino)  ang titulo nga  Miss Teen International Philippines 2024., samtang ang nakaangkon sa  Universal Woman Philippines 2025 title mao ang representante sa Pampanga nga si Sophia Bianca Santos.

Richard ug Barbie nag-uban sa Italy

Nabatyagan nga nag-uban sa   Rome, Italy ang gidungog nga mag-uyab nga sila si Richard Gutierrez ug Barbie Imperial.

Giingong naatol kini nga nitikang si Richard sa  Italy alang sa  taping sa upcoming series nila ni Daniel Padilla nga Incognito.

Nagdungan og pangaon sila si Richard ug Barbie sa usa ka  Filipino restaurant sa Rome.

Nagpahulagway sa duha ang mga staff sa maong kan-anan.

Hangtod karon , wala pa mohatag og kumpirmasyon sila si Richard ug Barbie sa tinud-anay nila nga estado. 

Naglawig ang career

Dili gyud malimtan ni Kim Chiu ang nagsagunson nga kaayohan nga naangkon sa iyang career karong tuiga . Kahinumdoman nga nakalangkat siya og back-to-back nga kadaogan sa  Seoul International Drama Awards ug  Asian Academy Creatives Awards."Every project is a journey, and I'm blessed to be surrounded by such talented, hardworking individuals who make each moment memorable. Here's to many more opportunities, stories, and memories to share with all of you! ,” Instagram post sa akres.

Engaged

Engaged na si  Leila Alcasid ngadto sa iyang  long-time boyfriend nga   indie singer-rapper   nga si Curtismith o Mito Fabie sa tinoud nga kinabuhi.  Si Leila kay anak sa OPM singer-songwriter nga si  Ogie Alcasid. "The most special anniversary gift," suma pa sa social; media post ni Leila.

Bianca nagpasalamat sa viewers

Mapasalamaton ang host sa "Pinoy Big Brother” (PBB) nga si  Bianca Gonzalez sa tanang nisuporta sa kasamtangan nga season sa maong show.  Gipasigarbo sa TV host ang  ang dili  basta-basta nga gidaghanon sa concurrent viewers sa “PBB Gen11". Kahinumdoman nga nakaangkon kini og 522,850 concurrent viewers niadtong September 21 , samtang  606,000 niadtong  September 28.

Filipina-Kiwi nakadaog isip Miss Universe New Zealand 2024

Ang  Filipina-Kiwi beauty queen nga si  Victoria Velasquez Vincent  maoy napili nga Miss Universe New Zealand 2024   ug 15 ka mga kandidata ang nakatigi niya sa pag-angkon sa maong titulo. Nagpasabot kini nga siya ang mahimong pambato sa New Zealand alang sa umaabot nga  Miss Universe 2024 nga pagahimoon sa Mexico karong Nobyembre 14.

Kahinumdoman nga nahimong kandidata si Victoria sa Miss Universe Philippines 2024  kun diin gidala niya ang Bacoor City ug nalandig lang kini sa Top 10.

BINII mo-perform sa ASIYA Music Festival

Gikatakdang molugwa ang  nation's girl group   nga BINI sa umaabot nga  ASIYA Music Festival kun diin mo-peform usab ang  South Korean band  nga HYUKOH ug Taiwanese group  nga Sunset Rollercoaster. Base sa taho sa  KARPOS, mo-perform usab sa maong kalihokan sila si Juan Karlos, UDD, Zild, Reese Lansangan, Gabba, Flu, Jose Miguel,   Ysanygo, ug   Balming .

Pasok pud sa listahan ang Urbandub  Tiger, Colde, Imase, Babychair, Shye, Salsa, Numcha, ug  9m88. Ang music festival kay kabahin sa  conference nga  “Music Beyond Borders: Navigating Global Markets and Festival Opportunities” nga mahitabo karong Oktubre 12 ug 13 sa  World Trade Center sa  Pasay.

Nahibalik na ug kaila ra ang responsible: Michelle gikawatan og sakyanan

Masulob-ong gibutyag sa beauty queen nga si Michelle Dee  nga gikawatan siya og sakyanan ug nahibalik  dayon kini.

Sa iyang broadcast channel,     gibutyag niya nga  ang  mag-uyab  nga nagpuyo ug nagtrabaho  sa usa sa iyang mga apartment  sa Manila ang niangkon nga maoy responsable sa pagpangawat sa iyang sakyanan. 

“It’s honestly so unfortunate when you trust, forgive, and build people up only for them to go behind you and prioritize their own personal agendas. My supporters from day one would probably decipher who this is but let’s stay calm and hope he delivers,” saysay pa ni Michelle .

Hilom ra nga gisagobang ni Michelle ang maong sitwasyon, apan kun wala pa nabalik ang importante niya nga butang,  mapugos gyud unta siya sa pagbutyag sa pangalan sa mga nagkuha niini.

 “Be careful who you trust and give access to,” suma pa sa beauty queen.