Lovi gaganap na babaeng panday; ‘di pa handang magka-baby pero naka-freeze na ang egg!

Babaeng Panday.

‘Yan ang dream project ni Lovi Poe. Actually, hindi na ito isang pangarap dahil next year ay target niyang tuparin ito.

“Hindi na siya leading lady, siya ang Panday,” ang may conviction na pahayag kahapon ni Lovi sa aming interview.

“Kasi ‘di ba parang... we talked about women’s empo­werment. What guys can do, girls can do. But, of course, without disregarding how we need men and how they have their own power. Saka iba rin naman if we portray a character, na usually lalaki ang gumaganap,” dagdag ni Lovi tungkol sa kanyang dream project.

Ang Panday ay pinasikat ng kanyang amang si Da King Fernando Poe Jr.

At ang plano pa niya, i-co produce ang pelikulang ito.

Officially, co-producer na nga si Lovi under C’est Lovi Productions at ang kanyang husband na si Monty Blencowe sa pelikulang Guilty Pleasure katuwang ang Regal Films na siya rin ang bida with JM De Guzman, and Jameson Blake.

Sa pelikula ay gumaganap sila na tatlong abogado na “navigating their way through love, betrayal, intrigue, ambition, vulnerability and revenge.” Isa ito sa tatlong pelikulang hu­ling inaprubahan ng namayapang si Mother Lily Monteverde.

Kaya paano pa sila magkaka-baby ng husband niya na kahit honeymoon pala ay hindi pa nila nagagawa after their wedding (Aug. 26, 2023) sa rami ng kanilang trabaho.

Nagpaplano ba silang magka-baby?

“We wanted it to happen. We just don’t know when it’s going to happen. Parang if it happens, it happens. We’re not going to pressure ourselves into... Oo, ngayon na...

“Oo, ngayon na ganyan, or, you know, because ang dami ko pa ring projects.

“If I’m going to be honest, I’m not ready. I’m not ready, but you know what? Ang dami-dami kong nakikita ngayon that moms who are doing it. Ito lang masasabi ko—if, sabi ko, if there’s anyone who can do it, I think that’s going to be me. Kasi crazy ako eh. I wake up at 4:00 o’clock in the morning and I work out. I do all these things.

“Daily. To give time for myself, I make time for the things that matter. And so, if that happens to me, if I get blessed that it happen soon. Then, I will make sure that I manage. Ngayon puyat na ako. I’m saying these things. But then, you know, if it happens, it happens,” pagdidiin niya pa sa amin.

So kailangan niyang mag-lie low para mangyari ang ganun?

“Maybe not lie low is the term.

“The term would be, I would be more selective with my projects. Kasi, I would make sure that ‘yung pipiliin ko is something that is really worth my time.”

Actually, kung tutuusin, pwedeng hindi naman talaga siya magtrabaho. “Yes, ayun nga rin sabi nila. But I love my job. I love work so much. Sa totoo lang, I can just like ‘yun nga ‘yung joke namin na parang pwede naman ako mag-workout, workout na lang, at mag-pilates, at humilata sa house at mag-enjoy,” katuwiran niya kung bakit siya passionate sa trabaho bilang actress gayung maayos ang kabuhayan ng kanyang napa­ngasawang scientist / movie producer.

So, anong oras ka natutulog?

“Mga 9, I’m already in bed. I’m in bed. Actually, alam nilang lahat na, 4 o’clock, 5 o’clock, 5 p.m., ayoko na, hindi na ako lumalabas.”

What about food? Nagda-diet ka? Or may mga bawal sa’yo?

“Hindi ako nagda-diet. Parang siguro, if I prepare for a role sometimes, but then on a normal [day], no, not at all. Ito, sorry ha. Meron akong director of photography namin sa Flower of Evil. I saw her. She was breastfeeding whilst doing her job. At sabi ko, wow, grabe ang nagagawa ng isang babae, ng isang mother. Doon ako, pinapanood ko siya, wow, idol.

“Alam mo ‘yung ganun na parang, if that happens in the future, sabi ko, I’ll be so cool to be like that. Doon ako nag-look up na parang, wow, ganito ang ginagawa ng isang mother. Kayang gawin lahat. Sino bang nakakagawa nun? Only mothers. So, sabi ko, if I’m given the opportunity, I’m going to be; that for me is like the coolest thing.”

Since, wala ka pang target kung kelan ninyo gustong magka-baby ng mister mo, like ‘yung ibang mother, ‘di ba parang nag-harvest sila ng egg (sperm sa husband) for IVF (In vitro fertilization). May ganun ka?

“Meron ako.”

Kaya naman pala petiks petiks? “Kaya petiks petiks. Yes, ginawa ko na.”

Naka-freeze na?

“Here and America.”

Kelan mo nagawa ‘yun, matagal na? “Few years back.”

So, wala kang worry na...?

“Syempre parang, as much as possible, you want to do it naturally and that’s part of it.

“But this one is just... because I was just thinking ahead. My husband and I were thinking ahead,” pag-amin pa ng actress na nakaramdam ng rollercoaster ng mga emosyon nang mabasa ang script para sa pelikula niyang Guilty Pleasure.

Anyway, eh ‘yung mga ginawa niyang movie sa abroad, kailan ang showing nun?

“Actually, I don’t know kung kailan showing nung isa, pero nag-picture lock na sila (editing). So, I’ll let you guys know the moment na sabihin na nila kung kailan, when, at kung saan sya ipapalabas.”

At bilang co-producer ang husband niya ang in-charge sa finances at siya ay sa creative side.

Ang Guilty Pleasure ay dinirek ni Connie Macatuno pagkatapos ng kanilang  proyekto na Malaya, kung saan ay nakakuha ng Urian nomination si Lovi.