JoshLia bukas sa follow-up project

Cebu, philippines — Nagmaya ang tibouk production team  sa 'Unhappy for You' gumikan sa kalamposan sa maong pelikula.

Gihimo niadtong Biyernes ang thanksgiving dinner  alang sa mga crew ug mga bitoon sa maong  pelikula.

Nitambong usab ang ABS-CBN executives nga sila si CEO and President Carlo Katigbak, COO Cory Vidanes, Head of Digital Jamie Lopez, Head of ABS-CBN Films Kriz Gazmen, Head of Star Music Roxy Liquigan, kanhi ABS-CBN Films head Olivia Lamasan, ug uban pa.

Suma pa sa mga bida sa 'Unhappy for You' nga sila si Julia Barretto ug Joshua Garcia nga bukas gihapon sila sa posibilidad nga  magpares og balik sa laing proyekto.

Mensahe pa ni Joshua ngadto kang Julia, "Sana hindi ito ang huli na pelikula. Gusto mo pa ba?"

Nitubag dayon si Julia nga dunay tam-is nga pahiyom, "Oo naman." 

Apektado sa isyu

Giangkon ni James Reid nga naapektohan gyud siya kaniadto sa dihang gisaway og maayo ang relasyon nila ni Issa Pressman.

Kahinumdoman nga si Issa maoy gipasanginlan sa pipila ka netizens nga maoy rason sa breakup nila ni James ug Nadine Lustre.

Gitataw sa aktor nga walay kalabotan si Issa sa panagbuwag nila sa kanhi niya ka-loveteam busa dili unta kini angayan madamay sa isyu.

Ang pagsulbong sa gugma

Wala damha sa aktor nga si Jericho Rosales   ang kalit nga pagkabihag sa iyang kasingkasing ngadto sa laing Kapamilya star nga si  Janine  Gutierrez.

Nag-ugat ang tanan sa dihang nangandam sila sa ilang proyekto sa ABS-CBN. "One day, I asked her 'Would you like to do a script reading with me?' That was, I'm sure she has the version of the story, but why would I ask for a script reading, when she's the only person I haven't worked with,"  saysay pa ni Encho sa interview niini sa vlog ni Karen Davila. Gusto lang gyud sa aktor nga makabaton sila ni Janine og tulin nga koneksyon sanglit modala sila isip bana ug asawa sa usa ka proyekto."She was going to be my work wife, my wife in the show. All of the issues and decisions that my character was going to do with the show is because of the relationship they have. This is not an easy working relationship and we needed to," niya pa.  Hangtod  nga  nalingaw na gyud sila sa ilang panag-uban.

"And I was, 'Wow, I can spend like three hours talking to this girl'... That's when I felt something," ni Echo pa.

Bag-ong record sa PBB Gen 11

Mikulit ang "Pinoy Big Brother Gen 11" og  all-time online viewership record sa Kapamilya Online Live. Nakaangkon kini og  437,909 peak concurrent views sa YouTube sa niaging gabii. Kahinumdoman nga nag-trending ang engkwentro sa housemates nga sila si Jas ug Fyang.  Sa latest episodez, nag-uli na ang duha ka kampo.

Komento ni Lea

Mapasalamaton ang award-winning artist nga si Lea Salonga ngadto sa iyang supporters nga nangumpanya aron  ilhon siya nga  National Artist , apan giklaro sa singer  nga mas makiangayon nga makaangkon  sa maong pasidungog mao ang komedyanteng aktor nga si anhing  Dolphy. Nakita ni Lea ang dakong kontribusyon ni Dolphy ngadto sa katawhan.

Concert experience

Idalit sa programang  “ASAP” karong adlawa ang " free concert experience"  pinaagi sa hugyaw nga performances nila ni  Andrea Brillantes, Maki, KDLex, Moira Dela Torre, Morissette, Regine Velasquez, ug uban pa.

Ang maong show kay makita sa  Kapamilya Channel, A2Z, ug  TV5.

Tom mosulod  sa Lilet Matias

Malakip   si Tom Rodriguez sa Kapuso series nga   “Lilet Matias: Attorney-at-Law” nga gibidahan ni Jo Berry.

Nag-post si Tom sa Instagram og hulagway nila ni Jo.

“So honored to be part of Lilet Matias: Attorney-at-Law and to finally be working with [Jo]!!” ni Tom pa.

Puwerting lipaya ni Tom sa pagsulod niya sa taping sa maong serye.

“What a fun and welcoming group! Happy to also see familiar faces on set and standby area as well.Thank you God for this opportunity!," nagkanayon ang aktor.