Joaquin, papasukin na ang pulitika!

Isasantabi muna ng Sparkle artist na si Joaquin Domagoso ang kanyang showbiz career lalo na’t wala pa siyang project sa GMA.

Tatahak ng kanyang career sa pulitika si Joaquin at target niyang maging konsehal sa District 1 ng Maynila.

Ayon sa kakilala naming nakatira sa distrito, nakikita nang umiikot si Joaquin lalo na tuwing weekend. Isang malapit din sa young actor ang nagsabing papasukin ng anak ni Isko Moreno ang pulitika sa Maynila.

Mukhang makakasabay pa ni Joaquin ang ama na balitang babalikan ang pagka-mayor ng Maynila!

Good luck, Joaquin! Make your daddy proud!

Chloe, wala pa raw balak sa showbiz

Content lang ang gagawin ni Chloe San Jose, girlfriend ni double gold medalist Carlos Yulo. Wala raw siyang balak mag-artista ayon sa pahayag niya.

Pero pumayag si Chloe na lumabas sa ASAP, huh!

Baka maunahan pa siya ng boyfriend na si Caloy kapag pinatulan ang alok ni Coco Martin na lumabas sa Batang Quiapo, huh!

Hayaan natin sa ngayon ang gusto ni Chloe. Malay natin, magbago lalo na’t sikat na rin naman siya dahil sa BF na si Caloy, huh!

There’s no harm in trying, ‘di ba? Guest, guest lang muna gaya ng ginawa rin nila sa It’s Showtime ni Caloy!