Jillian nag-photom shoot kilid sa sapa

CEBU, Philippines — Nanghugyaw napud si Jillian Ward  ngadto sa iyang fans  pinaagi sa iyang  mga hulagway nga kuha gikan sa iyang photo shoot kilid sa sapa.

Nakadawat kini og mga  positibong feedback  ug kasagaran nga komento kay nagkanayon nga walay paghupas ang ka-cute sa aktres .

Gi-post niya sa  iyang Instagram account ang maong hulagway ug ang caption niini kay  punoan sa lubi nga emojis.  

Kate ug Fumiya gidungog nga dunay relasyon

Nikisaw karon ang hungihong  nga  matud pa dunay  relasyon ang  Kapuso actress nga si Kate Valdez ug ang Japanese vlogger nga si  Fumiya Sankai.

Sa social media post ni Kate, gisaulog niya ang iyang birthday pinaagi sa pagsuroy sa Hong Kong Disneyland ug kauban niya si  Fumiya.

Nag-selfie sila  ug duna pu’y video nga naglakaw silang duha.

"Thank you for making my birthday so magical and for making the kid in me feel so happy," suma pa ni  Kate .

Gikilig og maayo ang fans nila ni Kate ug Fumiya sa maong taho ug nipadayag nga  bagay ra gyud ang ilang mga idolo  busa ikalipay nila kun magkadayon ang duha.

Shooting sa HLA didto sa Canada nahuman na!

Hingpit na nga natapos  nila ni Alden Richards ug  Kathryn Bernardo  ang shooting nila didto sa Calgary,  Canada alang sa pelikulang “ Hello, Love, Again” .

Sa Instagram post ni Jorros Gamboa. gibutyag sa aktor  nga  nahuman na gyud  ang tanan nila nga eksena nga  buhatonon sa maong dapit.

"Eyyy! It's a wrap, Canada.  Ethan, ba’t ka naman umiiyak?,”  suma pa ni Jorros.

Ang  "Hello, Love, Again"   kay sumpay sa pelikulang  “ Hello, Love, Goodbye" nga nagtuki sa istorya sa gugma nila ni  Ethan (Alden) ug Joy (Kathryn) .

Una na nga gibutyag nila ni Kathryn ug Alden nga  gikalipay nila og maayo nga nakabaton og sequel ang ilang pelikula.

Si Cathy Garcia-Sampana ang direktor sa maong movie project.

Kinatawo ni Ahron nabag-iran sa kamot sa  direktor

Gipabuhagay  ni  Ahron Villena  pinaagi sa iyang Facebook post niadtong Dominggo ang  iyang rebelasyon  nga nabiktima siya  kaniadto og sexual harassment  ug usa ka direktor ang nagbuhat niini ngadto kaniya.

Wala maghisgot si Ahron og pangalan sa maong tawo apan  niisa ang iyang kilay sa giingong gisulti sa maong direktor nga matud pa dugay na nga senaryo  sa showbiz ang pagpangabuso ngadto sa mga artista.

  "May nakita akong post nagsalita pala etong direktor na eto na matagal na daw nangyayari yng mga ganung senario? Parang proud na proud ka pa," pasiuna nga mensahe ni Ahron.

Gibutyag dayon sa aktor nga  sa dihang bag-o pa lang siya sa showbiz , dunay nipahimulos sa iyang pagkatawo. "Eh kung sabihin ko kaya na isa ako dun sa artistang naexploit at ikaw un!,” birada sa aktor.

Matud pa ni  Ahron nga nahitabo kini sa usa ka shooting diin nisulod ang dikretor sa  comfort room  ug gipapahawa ang nagbutang og plaster sa iyang kinatawo ug dinhi nagsugod nga mopasiplat og tandog  sa iyang kinatawo ang kamot sa direktor.

"Ang sabi mo pa 'dapat hindi ka nagpapalagay sa kanila ako na dapat maglalagay nyan.Wala namang problema sakin pero ilang beses mong tinatamaan at dinidikit ung kamay mo,” rebelasyon ni Ahron.

Taod-taod nga nagpakahilom ang aktor kalabot sa maong insidente gumikan kay nagbilin pa siya og respeto sa maong direktor.

Human  sa init nga rebelasyon ni Ahron ,   pipila ka netizens ang nagduda nga posibleng si Joel Lamangan ang gipadungog-dungog  sa aktor.

Sa  report nga namantala sa   PEP  sa niaging adlaw,   gibutyag ni Lamangan  nga dili na bag-o sa showbiz ang mga insidente sa sexual abuse .

“Panahon pa ng kopong-kopong, meron na yun. Dyusko! Ilang mga artista na naging leading man at sumikat, na nanggaling sa bading. Andami!,” nagkanayon ang  direktor.

Giingong wala’y choice ang ubang  mga artista niadtong higayona sanglit nag-apas kini og mga proyekto.

“Gusto mong makilala, gusto mong magka-project. So, papatol ka. Wala kang choice,” matud pa sa direktor.  

Naka-focus sa career

Tungod sa kalig-on sa ilang relasyon,   nakadawat og pangutana sila si RK Bagatsing ug  Jane Oineza   gikan sa ilang fans  kun kanus-an man nila plano nga magpakasal.  Apan gklaro ni Jane nga wala pa sila’ y  plano ni RK nga sudlan ang maong butang  gumikan kay  naka-focus sila sa ilang mga showbiz career, ingon man usab sa  tagsa-tagsa nila  nga kaugalingon.

Harvey nanamilit sa "High Street”

Nanamilit na ang karakter  ni Harvey Bautista sa  ABS-CBN series  nga  "High Street."  Sa eksena niya isip Wesly sa niaging gabii,  naligsan siya og sakyanan samtang nagukod nila ni Sky (Andrea Brillantes) ug  Gino (Juan Karlos Labajo) nga maoy hinungdan sa kamatayon niini.. “Maraming salamat Harvey Bautista sa pagiging bahagi ng  High Street . Hanggang sa muli, Wesley!.,” social media post sa Dreamscape Entertainment.

Sold out dayon

Na-sold out dayon ang concert tickets ni Maki sulod lang sa upat ka oras sukad gibuksan ang pagpamaligya niini niadtong weekend. Una na nga gianunsyo sa Tarsier Records nga ang  major solo concert ni Maki kay mahitabo karong Nobyembre 29 sa New Frontier Theater sa Quezon City.

Jeric ug Rabiya nagbuwag?

Gipistahan karon sa mga chismosa ang hungihong nga matud pa nagbuwag sila si Jeric Gonzales ug Rabiya Mateo.

Nabatyagan nila nga wala na  mo-follow  sa usag-usa sa Instagram  sila si Jeric ug Rabiya .

Kahinumdoman nga nakasuway na ang duha nga  nagkabuwag kaniadto apan nagbalik rapud dayon.

Wala pu’y kisaw si  Jeric kun nag-uban  ba sila o wala   ni Rabiya atol sa iyang birthday   niadtong Agosto 7. 

Mahinawayon gitubag ni Bela

Kalamadong gitubag  ni  Bela Padilla ang netizen  nga mikwestyon  sa iyang paglugwa isip guest host sa It’s Showtime gumikan kay matud pa dili siya pangmasa  ug  dili haom kaniya nga mosabay  sa mga komedya sa ubang hosts sa maong noontime show.

Gibutyag sa maong netizen nga lapad ang panghuna-huna sa aktres  ilabi na nga usa kini  ka filmmaker.

Dali nga gialmahan ni Bela ang reaksyon sa maong netizen.

Matud pa sa aktres nga malingaw siya kanunay sa  interaksyon niya sa ubang mga tawo busa ikalipay gyud niya sa higayon  nga molugwa siya sa It’s Showtime..

“I totally disagree. If one is truly smart, they can adapt to any environment,? I always have the best time when I’m on showtime…I genuinely love talking to people and making them laugh and I am self deprecating enough to be laughed at too so it goes both ways…I’ve been regularly visiting showtime since 2017 and I’m lucky that Vice and “her gang” always make me feel welcome and never oblige me to let go of what I really am, which is a filmmaker,” nagkanayon si Bela.

Reklamo ni Mommy Pinty batok kang Cristy gibasura

Gibutyag  ni   Cristy Fermin nga gipasakaan siya og kasong cyber libel sa inahan nila  ni  Toni ug Alex Gonzaga nga si Pinty Gonzaga apan gibasura na kini.

Wala gidetalye  ni Cristy ang rason sa maong kaso nga gisang-at batok kaniya  ug pipila ka buwan siya nga nagpakahilom kalabot niini hangtod nga nabasura gyud kini sa Quezon City Prosecutor's Office.

 “Alam niyo po mga kapatid, meron po akong sasabihin sa inyo na rebelasyon.Hindi lang po ako nagsasalita at ayoko ho ipagmalaki, pero ilang buwan na po ang nakararaan, idinemanda po ako at si Wendell Alvarez ni Mrs. Pinty Gonzaga," saysay pa niya atol sa iyang radio program kagahapon.

Maud pa niya nga mas gipili lang niya ang pagpakahilom.

“Nabasura po yung kaso. Hindi rin po kami nagharap sa piskalya.Hindi lang po kami maingay, nabasura po yung kasong yon, cyber libel. Nabasura po yon sa Quezon City kaya maraming ganito na hindi na lang po kami nagsasalita.Baka sabihin, Nagyayabang pa kayo, ganito ganyan.' Hindi po, nabasura po yon.Si Mrs. Pinty Gonzaga po ang nagdemanda sa amin ni Wendell. Ngayon ko lang sinabi,” ni Cristy pa. Kahinumdoman nga ubay-ubay ka mga personalidad ang nireklamo og cyber libel batok kang Cristy sa nilabay nga mga buwan ug kini sama nila ni  Esther Lahbati, Dominic Roque ,  Bea Alonzo, Sharon Cuneta , ug  Kiko Pangilinan.

“Binibini” gihimoan og cover ni Jacob

Nahimout ang  Pinoy fans  sa K-pop group  nga THE BOYZ  human ang usa sa mga miyembro niini nga si Jacob kay nihimo og cover sa “Binibini” nga orihinal nga giawit sa  OPM singer  nga si Zack Tabudlo.

Gi-upload  ni Jacob sa iyang Instagram account niadtong Domingo sa gabii  ang version  niya sa “Binibini”.

Kahinumdoman nga nag-konsyerto ang THE BOYZ  bag-ohay lang  didto sa  Mall of Asia Arena isip kabahin sa ilang "Zeneration II" tour. 

Jay R mapasalamaton kang BINI Stacey

Nagpasalamat   ang singer nga si  Jay R ngadto sa usa sa mga miyembro sa BINI nga si Stacey gumikan  sa partisipasyon niini sa music video sa awit nila ni  Dionela nga “Sining”.

Aminado ang singer nga nakatabang gyud ang Blooms (fans sa BINI) sa  kakusog sa maong awit sanglit nitan-aw gyud kini  sa maong music video.

Nakalangkat na ang “Sining” og kapin sa  14 million views sa  YouTube.

Padayon gihapon kini  nga naglawig sa  Spotify Philippines.