‘I bite now in a sweet way... pero masakit’ – Heart

Naging kontrobersyal iyong Bulgari necklace ni Heart Evangelista na worth P11M na ipinasuot niya sa pet dog niyang si Panda dahil may suot na ganu’ng necklace si Pia Wurtzbach. In fact, hanggang ngayon pinag-uusapan pa rin, kaya lang, si Heart pa lang ang nai-interview at wala pang nakakapag-interview kay Pia.

Anyway, sa New Lounge event, Cartier necklace ang suot ni Heart na worth P6M daw, sabi ng fans. Curious ang fans nito kung kaninong fur baby naman ipasusuot ni Heart ang mamahaling necklace.

Sa interview ni Nelson Canlas para sa 24 Oras,  inulit ni Heart ang pagsasabing sa kanya ang Bulgari necklace at hindi hiram. Nasa kanya na raw ang necklace since pandemic time pa at goal nga raw niya ay madala sa Paris si Panda. Kapag nangyari ito, mas marami ang magre-react, mas magiging controversial ang mag-fur mommy.

In the same interview, may nasabi siya na kailangang palaban na siya para hindi na siya naaapi. “I bite now in a sweet way... pero masakit.”

Pak!

Kiko at miles, may clamor!

May shippers pala sina Kiko Estrada at Miles Ocampo at ang tawag nila sa love team ng dalawa ay KiMi. May mga nag-react sa post ni Kiko ng trailer ng Viva Films movie nila ni Cindy Miranda na 40. Manonood daw sila kung si Miles ang kapareha nito.

Sa Eat Bulaga isinilang ang KiMi nang mag-guest si Kiko to promote his TV5 action-drama series na Lumuhod Ka Sa Lupa with Sarah Lah­bati. Si Miles yata ang isa sa nag-interview sa actor at marami ang kinilig sa kanila. Malakas daw ang chemistry at bagay silang magka-love team at mula noon, may mga request ng project for them.

Kaya lang, as of now, malabong mangyari dahil nakakontrata sa Viva Artists Agency ang aktor at iba ang management ni Miles. Unless, kunin ng Viva Films si Miles para ipareha kay Kiko.

‘Katuwa lang si Kiko dahil kahit kanino ipareha, may chemistry at sa 40, lutang ang chemistry nila ni Cindy. Si director Dado Lumibao rin ang nagsabi na pati siya nagulat dahil maagang lumabas ang chemistry ng dalawa, walang too much effort.

Kung gusto ninyong maramdaman ang che­mistry nila, watch 40 showing on Sept. 4 in cinemas nationwide. Si Martin Nievera ang kumanta ng theme song ng movie na Leaves.