Miguel ug Andrea magpares sa Magpa-kailanman
CEBU, Philippines — Sa labing unang higayon, magpares sa TV screen sila si Miguel Tanfelix ug Andrea Torres . Ang duha maoy bida sa episode sa drama anthology sa GMA-7 nga "Magpakailanman" karong gabii.
Pagadalhon ni Andrea ang karakter sa 26 anyos nga magtutudlo nga makauyab og 17 anyos nga lalaki.
Giangkon ni Andrea nga medyo kiwaw ang maong proyekto.
"Sabi ko sa kanya na, 'Huwag mo muna ako ina-Ate Ada kasi parang nakaka-weird nung feeling 'di ba," , saysay pa sa aktres ngadto sa GMA News. Samtang si Miguel sa iyang bahin, gitataw niya nga komportable ra siya ka-eksena si Andrea.
"Alam kong kung ano man 'yung mangyari sa scene parang saluhan po kami dun. Ang goal namin is pagandahin 'yung bawat eksena," saysay pa ni Miguel.
'Un/Happy For You' naka-P200M sa takilya
Niabot na sa kapin P200 million (as of August 22) ang kita sa comeback movie nila ni Joshua Garcia ug Julia Barretto nga "Un/Happy for You," nga co-produced sa Star Cinema ug Viva Films.
Miabot na ngadto sa 350 ka mga sinehan sa Luzon, Visayas, ug Mindanao ang nagpasalida niini. Ipakita usab kini sulod karong buwana sa USA, Canada, Australia, New Zealand, Italy, Malta, UAE, Saudi Arabia, Qatar, Bahrain, Saipan, Cambodia, ug uban pa.
Ubos sa direksyon ni Petersen Vargas ang "Un/Happy for You" nga nagtuki sa subling panag-abot sa kanhi mag-uyab.
Kauban nila ni Joshua ug Julia sa pelikula sila si Nonie Buencamino, Ketchup Eusebio, John Lapus, Kaila Estrada, Aljon Mendoza, Victor Silayan, Bong Gonzales, Meann Espinosa, ug Bianca De Vera.
Vice nagbangotan sa pagpanaw sa iyang pet dog
Nagbangotan ang "It's Showtime" host nga si Vice Ganda sa kamatayon sa iyang pet dog nga ginganlan og Chip In.
Suma pa sa TV host nga pipila gyud siya ka oras nga naghilak gumikan kay sakit kaayo ang maong panghitabo . Ang maong iro kay iyang "first fur baby".
“I knew you fought hard enough to stay with me. But today I guess it’s really time to say goodbye and let you run and play in heaven. I'm so sad. Been crying since morning. I didn't know that losing a fur baby would hurt this much. I realized you were not just a dog. You were my baby. My family. My true friend. You gave me so much love. And I loved you with all my heart. I thank God for you,” tipik sa Instagram post ni Vice.
- Latest
