21st Igan Cup tutulong ulit sa mga bata nangangailangan!

Magkakaroon ang Igan ng Pilipinas Foundation, Inc. ng 21st Igan Cup fundraising golf tournament, Fore! Isang Dahilan... Fore! D’ Kids… na gaganapin sa Agosto 30, 2024, Eastridge Golf and Country Club sa Binangonan, Rizal.

Ang Igan Foundation ay isang non-stock, non-profit organization, na ang commitment ay magbigay ng tulong na mga may karamdaman at nanga­ngailangan ng tulong emotionally and financially na sinimulan nila noong 2001. Ang karamihang tumatanggap ay mga disadvantaged lalo na ang mga batang may sakit at ang kanilang mga pamilyang may mababang kita.

Ang malilikom na pondo ng Golf Tournament ay ipantutulong sa gamot at pagpapaospital ng hindi bababa sa 20 base recipient ng Igan Ng Pilipinas Foundation sa ilalim ng “Adopt-a-child with diabetes program” ng UP-PGH, partner foundation sa nakalipas na 15 taon, iba pang proyekto, programa , at activities of the Foundation such as but not limited to “Lugawan ni Igan,” “Lingkod Kapwa Community Pantry,” “Paraiso ng mga Igan,” “Pamasko ni Igan,” “Araw ng mga Nguso,” “Dugong Buhay-Isang Pag -aalay,” mga pagsisikap sa pagtulong, at mga kontribusyon sa iba pang nonprofit na organisasyon at tulong medikal sa mga indibidwal na may problemang pinansyal.

Ang mga manlalaro ng tournament ay magkakaroon ng friendly competition.

Sa 6:00 a.m. at 12:00 p.m., sasabak sa field ang mga manlalaro sa double shotgun formation na may mga magagandang premyo sa Hole in One tulad ng Segway N100 eScooter ng Autohub Group Companies, Get Go 2 Seater Deluxe Golf Cart, Mutt Motorcycle Mastiff 125cc, 100K halaga ng K & G Gift Certificates at P100,000 Cash mula sa MAA General Assurance Phils. Inc. Ang format ng tournament ay system 36.