Naka-P20.5 milyon... Un/Happy, biggest opening gross of a local film ngayong 2024
![Naka-P20.5 milyon... Un/Happy, biggest opening gross of a local film ngayong 2024](https://media.philstar.com/photos/2024/08/16/999_2024-08-16_00-29-43.jpg)
Maganda ang ‘balikan’ nina Joshua Garcia at Julia Barretto sa takilya dahil agad na nakapagtala ang kanilang pelikulang Un/Happy for You ng P20.5 milyon sa unang araw nito sa mga sinehan sa buong bansa, kaya ito ang pinakamalaking opening gross ng isang local movie ngayong 2024.
Palabas na sa mahigit 250 na sinehan sa buong bansa ang Un/Happy For You na agad naging trending topic. Nagsimula na rin ang ibang netizens na magbahagi ng kanilang positibong feedback tungkol sa pelikula online.
“Gusto ko lang magpasalamat sa lahat—sa fans, sa family namin na andito, sa friends namin, sa bosses thank you, sa Star Cinema salamat sa pagtitiwala sa amin ni Julia. Sa Viva Films of course at sa buong team ng Un/happy For You,” ani Joshua bago magsimula ang film screening nito days ago.
Samantala, ‘overwhelmed’ naman si Julia sa pagmamahal at suporta ng kanilang loyal fans.
“Sobrang nakaka-overwhelm ‘yung suporta na pinapakita n’yo. Sobrang nagpapasalamat kami sa lahat ng efforts niyo. Sana po magustuhan n’yo siya [Un/Happy For You],” sabi ni Julia.
- Latest