Gumawa na naman ng panibagong online record ang Kapamilya teleseryeng FPJ’s Batang Quiapo matapos itong magtala ng higit 700,000 concurrent views sa unang pagkakataon sa YouTube.
Nakamit ito noong Agosto 13 na episode na may 729,234 peak concurrent views o ang sabay-sabay na nanonood sa Kapamilya Online Live sa YouTube. Winasak nito ang sariling online record sa dalawang magkakasunod na gabi.
Tuluy-tuloy nga ang mga pasabog sa FPJ’s Batang Quiapo dahil nakamit ang panibagong milestone na ito sa loob lamang ng dalawang linggo mula noong lumampas sa 600,000 concurrent views ang serye.
Sa kasalukuyang kwento ng FPJ’s Batang Quiapo, tutok ang mga manonood sa mga makapigil-hiningang eksena dahil sumabak na sina Tanggol (Coco Martin) at ang kanyang grupo sa kauna-unahan nilang misyon kung saan agad silang nasubok sa matinding bakbakan.