MANILA, Philippines — Naka-post sa Instagram ni Gabbi Garcia ang photos nila ng British actor na si Scott Adkins na nasa bansa para sa shooting ng pelikulang Death March. Sa title pa lang, parang action movie ang project, wala pang detalyeng binanggit si Gabbi.
Ang sabi lang sa caption niya, “Working on something with @thescottadkins #DeathMarch coming soon.”
Sa Instagram ng actor, nabanggit na he is getting in shape for Death March. “Philippines here we come.”
Marami ang nag-congratulate kay Gabbi lalo at kilala si Scott ng kapwa Kapuso stars nito. Marami na itong nagawang pelikula kabilang ang John Wick: Chapter 4, kasama si Keannu Reeves.
Hard launch nina Richard at Barbie, hinihintay na
Ni-like ni Richard Gutierrez ang post ni Barbie Imperial na 26th birthday kahapon. Hindi man nag-comment, sapat na sa mga Marites ang pagla-like ng aktor sa birthday post nito na ang ganda sa birthday photoshoot. Hindi na rin niya kinailangan ng mahabang caption sa kanyang post, enough na ang “26” at emoji ng cake para malamang birthday niya kahapon.
Hindi pa namin nabasa ang mga pangalan nina Ruffa Gutierrez at Mond Gutierrez na nag-like dahil tiyak na naluluksa pa rin ang dalawa, sa pagkawala ng kanilang sis-in-law. Pansin namin na maraming bashers si Barbie nitong ma-link siya kay Richard, pero hindi rin maikakailang marami ang nagmamahal sa kanya.
Laging marami ang nagla-like sa bawat post niya sa Instagram, minsan, umaabot ng more than 100K depende sa larawan.
Ang hinihintay na lang ngayon ng fans ay kung kailan ang hard launch nina Barbie at Richard? Ito naman ay kung may relasyon na sila, kaya lang, hindi pa yata annulled ang kasal nina Richard at Sarah Lahbati, kaya walang hard launch na mangyayari.
Herlene, hinamon si Drew!
Simula Sabado, Aug. 3, sa GMA 7 na mapapanood ang Biyahe ni Drew, ang long running travel show ng GMA Public Affairs hosted by Drew Arellano. Airing ang show, 4:45 p.m., sa GMA at Kapuso Stream. Mapapanood pa rin ito sa GTV, every Sunday, 8:45 p.m.
Sa first episode ng Biyahe ni Drew, ililibot ni Herlene Budol si Drew sa home province niya sa Rizal. Hahamunin nito si Drew sa isang gulaman-making contest sa local market. Gagawa rin sila ng kumanoy, isa sa local delicacies ng Rizal. Masusubukan din ni Herlene ang isang off-road adventure with Drew.